必須發表一篇文章,將所有愛的問題都答出來

寫完所有愛的問題後,請點名8位朋友繼續下去!
注意!被點名的人不能重複~未滿7人者屬違規,會有報應...
拍拖中的人會分手,單身的會一年內交不到男/女朋友!!

點我之人:好知已小玉，wakaka
寫出填寫日期:07..06..2006
愛的音樂:rock,blues(迷上greenday)
愛的店鋪:game鋪，漫畫鋪，模型鋪(電車男feel-0-")
愛的顏色:白，藍
愛的國家:好多woo，英國，意大利
愛的汽車:AE86(頭文字d)
愛的休閒:打機，打波
愛的科目:hist
愛的甜食:西瓜西米露，芒果西米露
愛的性格:樂觀
愛的小動作:咬手指甲
愛的習慣:翻到屋企即刻開電腦，無一日唔係

愛的季節:夏天（最多假放）
愛的女人:婆婆，阿媽
愛的男人:阿爸
愛的節日:聖誕節
愛的香水:無ｗｏｏ
愛的運動:ｓｗｉｍ，踢波
愛的定義:.我記得哥林多前書講過，愛是恆久忍耐,又有恩慈; 愛是不嫉妒……
愛我的人:親人
愛過我的人:我想沒有吧

玩完lu，俾邊個好呢，邊個咁"幸運"俾我選中呢，

哈哈就係derry，肥麟，民仔，昶昶，b仔，sunny，小強，文朗

今朝好晏先起身，差d就遲到，跑到翻去已經好熱仲要去早會，救命==，頭2堂美術，張善意竟然唔小心地將我地d凳wing左，唉!我整左3堂佢竟然wing，跟住佢叫我地畫凳，無理佢係到同阿茂做數，小息同德能落左去買野食，之後上普通話，去左e班借世史書，普通話堂係度打機，數學堂就傾左陣同做數，我同阿茂+德能一致認同肥葉係低能既，將d數簡單複雜化左。世史聽書，都ok明，可能打得多call of duty==。

lunch同dogdog,阿貴食m記，翻到去玩打手，好矛呀佢地，不過好好玩，哈哈……，之後上音樂堂，播埋d n咁耐之前既粵曲，真係頂唔順，訓著左，之後地理原來教哂書，繼續訓，坐左係冷氣機隔離，好舒服但好凍。

訓到放學，搵dogdog，佢幫kelly溫書，係度聽左陣，有d都唔識==，要加部努力先得，跟住同佢去賣nds game，之後翻教會玩猜猜畫畫，已經開始重複lu d野，但都好好玩，7點到散哂，同肥麟，dogdog去左食飯，之後去左百佳買野，點知原來今日係無膠袋日，一個膠袋5毫子==，攪到要將d野放落個袋到，好鬼死重，之後就翻屋企lu。

溫書溫唔到入腦，有無人可以同我一齊溫？？？

世界杯仲有3日，好期待，等左足足4年，唔知邊隊會win呢

今朝7點9先起身，跟住刷牙洗面換3翻學，見到好大雨拎左傘翻學，落到街一滴雨都無，真係神奇 ，上到課室交翻張選科通告，頭2堂化學堂，佢地好嘈，嘈到聽唔到，咁岩我又好眼訓，所以訓左2堂 ，訓到rest都仲訓緊，rest個時佢地見個天落得好大雨，跟住打去天文台，原來個時已經黃雨，跟住整左d求雨公仔，祈求快d紅雨 放學，點知上中文堂個時真係紅雨 ，12點1就放人走lu。

之後同dogdog，阿貴，民仔，少玉，阿花去左沙田唱k，我地好趕咁去到，好肚餓 食左個lunch都唔夠飽，唱左得1個半，因為我地遲左差唔多半個鐘，一人$42，唱完我地班男仔就翻大埔先，阿花同少玉就繼續留係沙田行。

翻到大埔佢地黎左我屋企，打機，打世界杯 ，打到7點幾全部走哂lu，而家搵緊睇下聽日分享咩歌…………

求雨公仔1                                                    求雨公仔2

今天睇報紙有一則車禍，醉酒駕駛既男子輕傷，而被撞的士司機同女乘客就枉死，個一刻覺得神點解忍心，做錯事既就無事，就算坐牢又點，坐成世都無用，又可抵銷嗎？兩條人命呀!!!唉，無咩心情打日記，人真係砂小。

今朝起身成個人暈暈地，琴晚太夜訓，玩call of duty玩到4點幾先訓，終於都爆左機=0="，係張床度爭札左好耐，幾經辛苦爭札左15分鐘終於逃離左睡魔既魔掌，換3落街，見個街落緊雨，就拎左把勁細把既傘，翻去個時唔係好大雨，但我個人都濕濕地==，今日崇拜我地要獻詩，練左幾個禮拜，養兵千日用在一朝，唱得唔係幾好，可能太早，今日既講既題目係人生下半場，聽到個人暈暈地，ｄ冷氣又凍。

完左崇拜我地去左明星飲茶，叫左好多野食，食完係度玩問答遊戲，玩左成個鐘，哈哈……，食完野個個都每野做，全部散哂lu，羊仔黎左搵我，2條友又無野做，hea左陣佢就回家了，我行左多陣，之後幫我阿爸買下午茶，之後翻屋企沖涼訓晏教，訓左4個鐘=0=，真係好訓，哈哈……