今朝早左起身溫書，6點就起左身溫，溫左陣物理同做左陣數，跟住換3翻學，今日頭2堂pe，爆唔想上，今日仲要跑街，成班友跑街個時都係度玩野，當然我都係其中一個，跟住踢波，我竟然門前飛機真失敗，上完pe上翻去上海膽堂，死人海膽竟然唔俾我溫書，唔理照溫，做做下數先知部計數機漏左係屋企，肥麟幫左我問人借，真係唔該你呀肥麟。

測數個時，唉!都係唔好提，跟住測物理，死得仲慘，完全唔夠時間做既都，我考左6科6科都戰死沙場，全部都死哂lu。

考完佢地又上黎打機，跟住我又做我既犯法野(bt)，今日dl左幾套戲，幾好睇呀都，一球成名真係好正呀，續集上映個時我諗我會入戲院睇既，之後佢地走左，彈左陣結他，竟然斷線，令到我既心情進一步下降--。