好耐無打日記lu，荒廢左個日記，而家要打翻!!!

今朝起身遲左，翻到學校差dd就遲到，上頭2堂數學，無咩心機聽--係度睇漫畫，之後上中史，今次唔係又係勁係度抄野，今次第一次用左本中史書，好彩我問左人借書，上完中史之後上bio，又係個個新阿sir教，佢教得真係好差==，上佢堂又係睇漫畫，lunch去左學利食。

食完去左3e hea左陣+借書之後就翻3b，上一堂電腦之後就去禮堂，我個班好多人都係想入文，我都唔知入a班定c班好==，唉，可能都唔到我去選擇，放學左去團契，成個人好累，好眼訓，完左團契，阿悔+麟+羊仔上左黎打機，打到個人暈暈地，之後去同羊仔+小白菜去游水，小白菜係度教羊仔游，太凍，我都無咩點游，9點到就去換3lu，落去沖涼個時勁舒服，游完水陪羊仔等埋車

跟住無野做，叫左小玉+美靈+霖去食宵夜，跟住叫埋海勝同pui琪去左民仔屋企樓下同佢慶祝生日，佢條友勁遲先落黎，搞到我地係佢屋企樓下等左好耐，之後去左好好食野，得翻$7既我要問人借錢==，哈哈…真係好，有人請我食。跟住係太和hea左陣就翻屋企。