今日返9點30上英文堂!!!

上堂冇耐,我同呀恩就出左去白板同全班一齊做speaking,我地負責寫!!!冇計d字靚!!!

做完之後,返左位坐左陣,又同維維,榮恩,呀達,妙麗佢地玩!!今次仲做左d花式表演,超勁!!死人榮恩整到我支水冇得飲!!!

玩左無耐,又開始做返speaking啦!!今次同靚女出左去同miss練!!!麻麻地...要望下d答案先講到!!

上完英文堂後,就上數學堂啦!!!維維同榮恩唔洗上,走左!!

今堂好專心,坐左係中間聽書!!不過後尾都係傾計多!!

上到1點30放學啦!!!不過都同呀達,妙麗,肥佬佢地去食飯同埋一陣要返學校捐血!!

今次又係好唔容易先食到飯,不過又幾好玩!!!

跟住我地去左附近既牛車水食野!!!第一次食未試過!!!食左先知仆街啦!!!超貴呀,一個午餐$38,仲要+1呀!!一定唔會再去呀!!!

食到就2點幾,就返學校啦!!!

我同呀恩,yoyo,yvonne就去捐血,呀達佢地就去上堂!!!

入到去,填左d野,跟住見姑娘!!!點知,因為我3月頭個病過,未夠14日,唔俾我捐呀....

跟住就去圖書館睇漫畫,等呀恩佢地捐完出來!!!

等到4點幾,佢地終於出來啦!!!

之後我同呀恩冇野做,就去左上半班到上堂!!

入到去見到d工作紙,同個miss既教法真係同我地個8婆miss冇得比呀!!!人地教得好既多呀!!!今次仲同靚女練左4次呀,仲係唔多洗睇答案來講假!!勁左好多!!

個miss又教左我唔少野呀!!!好野!!!

練到差唔多時間,唔想練啦,就同呀達,妙麗係課室到玩!!!哈哈!!

上到5點30,就落堂啦!!!miss仲歡迎我地下次再來!!!好野!!

跟住就同妙麗佢地返屋企啦!!!

今日返9點30英文補習班!!!

返到去,又係唔知個8婆教咩屎,都係同維維傾佢琴日既大陸行程多,冇聽過書!!

跟住終於上返一個正常既英文堂啦!!

今堂又係一路同維維,榮恩,呀達玩一路做speaking,係後尾先同靚女,呀達講左幾次,都算ok啦!!!!!

仲有上緊堂個陣,班主任入左來排成績表!!!嗯...都算考到不錯...非常恩慰!!

跟住就係上數學堂啦!!今堂變左小班教學,因為其他人太嘈啦,呀sir完全冇理佢地!!

上到12點30,就食飯啦!!!好肚餓呀!!!

今日又去左幸福商場到食!!!沿途一路玩一路行,希望冇(蘇)擾到長沙灣既居民啦!!

食到2點幾,返學校上堂!!沿途同妙麗,yoyo來左場競步比賽!!!

今堂上IA!!又係教到一頭霧水.......不過個程式又真係幾好用既!!

上到5點30,維維佢地走哂,我就同YVONNE,呀恩,呀才去上急救班!!!

今堂教點樣包頭部受傷!!!仲影左幾張相!!!

上到8點30,走人啦!!!跟住我地去左M記食野!!每人$8,超低!!!要多謝呀才!!

食到9點幾,就搭MTR返屋企啦!!!

返到寶林去左百佳買左香蕉同一盒好貴既朱古力!!!好貴呀!!!

今日返8點30中文堂!!!

9點返到去,先知道原本英文miss冇返,上完中文之後,就放得呀...好無聊呀...2個鐘...不過佢地話去唱k!!!好野!!!

今堂同維維,呀達,妙麗同肥牛猛玩猛傾計!!可能真係太嘈,miss頂唔純,落左堂叫左我地留低傾計!!!

傾左陣,就留左圖書館做IA功課,今日要交呀!!!做到11點幾,我同維維,呀達,妙麗,榮恩去旺角攞房先!!!

去到旺角,我同妙麗係MTR等埋呀恩佢地!!!!

佢地終於來啦!!!就出發去瓊華啦!!!

今次有我啦,維維,呀達,榮恩,呀恩,YOYO,YVONNE,SAM,WATER同呀豪!!

今次又係唱到4點,勁正呀!!!不過維維2點走左,返大陸做大陸仔!!!

今次係隨機抽歌唱,所以唱左少少自己想唱既歌...不過今次都唱到好開心呀,最後一個鐘個個都high哂,企哂起身唱,我同呀恩仲當係D士高呀!!哈哈!!

唱到4點幾,去左朗豪坊行行!!呀恩佢地竟然去左食雪糕呀!!!好想食呀...不過好貴呀!!

跟住呀達同榮恩走先!!我地就上左間樓上眼鏡鋪試眼鏡!!

話就話試眼鏡,其實係上去玩多囉!!!

我地周圍攞d搞笑眼鏡玩同笑!!由其係我同yoyo呀!!哈哈!!

我地同呀恩仲攞住d眼鏡影左好多相呀!!!

玩到6點幾,終於玩完了!!

我地就搭車走人了!!!!

其中2張的!!第二幅個眼鏡其實係維維假!!

今日既presentation好成功呀!!

見到presentation個陣,世傑俾左個勁字我同埋呀sir講既野,真係好感動呀!!(多謝維維做我臨時組員!!)

因為e份野真係做得好辛苦呀!!!

一定要多謝yvonne佢地同維維佢地兩組幫左我咁多!!冇佢地我真係做唔到假啦!!

特別係維維,yvonne,yoyo,榮恩仲有呀恩同呀達既關心!!多謝哂!!

我presentation時有提你地假,希望你地聽到!!!!

因為琴日呀姨來左,所以今日一早就同成班親戚去左飲茶!!

飲到1點幾,周圍行左陣,就返屋企換衫出去啦!!

今日約左肥揚,田雞同老趙去apm睇戲!!

今次係睇(異度見鬼)!!!講真個劇本真係幾好啦,因為跟足哂香港版!!!都冇咩特別,因為好耐之前都睇過香港版了,都知結局係咩,不過都有d驚嚇位!!

睇到5點幾,去左附近食野,跟住田雞返左屋企!!

肥揚同老趙去旺角!!我都想去呀,不過要做份死人IA功課!!所以要返屋企啦!!

返到屋企,成功問到大家姐攞左一百元!!!哈哈!!!!