連日來既努力,終於到左今日考speaking啦!!!

今日一早就8點30返左學校同靚女練speaking!!!跟住攞左家姐去台灣旅行買俾我既手信同大家分享!!!

溫到9點30,就同維維,榮恩去左上英文補習班!!

個死8婆,到臨考先俾d正式練習我地做,仲話有咩問佢!!我地完全冇理過佢!!!

10點30就走人啦!!!跟住去左課室等考speaking!!諗住同靚女練下,但係都係同維維,榮恩,呀達,靚女玩!!

終於來啦!!!都係用平常心去考!!

時間一秒一秒咁過!!終於可以考完啦!!!

不過就考麻麻地...冇搭到巴士..speaking2死緊...希望speaking3合格啦!!

跟住就要去上數學堂!!!冇咩心機上...都係攞部相機周圍影相,同維維佢地玩!!

上到1點30,就食飯啦!!今日出左去買車仔麵食!!!

食完之後,妙麗佢地係到傾去camp d野!!!

我就無聊出左去籃球場玩!!!玩玩下,同榮恩,維維,呀達交換件褸來著!!!榮恩件褸都幾襯我呀!!!

跟住我攞左我地既飲茶基金出來數錢!!!總共有$284.5!!好多錢呀!!!

玩到3點30就上堂啦!!!

今堂上ia!!!好唔想上呀,但係佢地個個一係訓著一係打機..唯又聽下啦!!!

上到5點30放學啦!!不過要去上急救班!!!

今日教左d骨折既知識!!仲有盆骨受傷既知識!!返去要問下維維有冇e d徵狀呀!!

跟住同yvonne,呀恩影左d白痴相!!!

上到8點30,走得!!但係放學個陣,勁黑仔...

返到屋企又被家姐整到我隻腳字公好痛呀.....

今日係正常既返學日!!返8點30上中文堂!!

但係訓遲左..8點先起身!!唯又極速搞點哂d野,就同妙麗返學啦!!

9點30返到去!!上左陣堂,就攞左部新相機出來玩!!同呀達,榮恩周圍影相!!發現到個相機就一個一笑即拍模式!!好神奇呀!!

上到10點30就食飯啦!!!

今日出左去食粥!!!到係一樣食唔哂碗粥!!跟住維維來左,坐左陣,因為私人問題就同維維,呀達,呀才上左榮恩屋企解決!!

解決完之後,玩左陣電腦就返學校啦!!

返到學校,入左學生休息室同佢地吹左陣水!!吹到12點30就上英文堂啦!!

今堂又要做模擬試!!!都係咁啦...麻麻地...明日要+油呀!!

上到2點30,但係4點30要補課..又多2個鐘....所以我地就去葵芳掃野食!!!

去到葵芳,我地全部人就即克掃左好野食!!!食完野之後,我地就陪呀恩去買鞋!!!

買完鞋之後,就起程返學校補英文啦!!!

返到去,好真正咁練speaking!!仲共同yvonne練左成4次呀!!!但係都唔係好點呀...

練完之後,都係走左去玩!!!

同維維玩緊個陣,唔小心整到佢呀!!佢好似好痛呀....對唔住....

到左6點幾就起程,又嘻嘻哈哈咁返屋企啦!!!

屋企近排買左部新相機!!

好型呀!!!超鍾意!!!!

有成一千萬象素!!!!

搵日攞返學校影先得呀!!!

下面個兩張係用相機影假!!!

今日一早9點幾就起左身,因為約左佢地成班去扭旦show!!

11點幾到灣仔,集合哂d人後,就出發啦!!!

今次有,維維,榮恩,呀達,妙麗,water,肥佬,yvonne,呀恩同呀sam!!

入到去之後,行左陣,望望d扭旦,都唔係好岩心水....悶悶地,聽到森美小儀把聲,我地就走左去睇下!!

睇睇下,佢地要觀眾上台!!!跟住榮恩佢地成班推左我上前,叫我上去!!我心諗:傻既!!我先唔上!!跟住森美好大聲咁叫:灰色衫個個!!!!!我就唯有走上了.......

上到台,同其他小朋友企左係到,真係好醜呀!!仲要成日被森美小儀串呀...(過程唔講啦!!)..最後講左句急口令(好難講..)攞左禮物就走人啦!!

上台都幾驚呀....之前上台對著咁多人講野應該係中五做主持個次!!!個次真係好驚...仲要講勁多野!!

不過都冇所謂啦!!都玩得幾開心!!只要大家開心就得啦!!!

玩完之後,又周圍行左陣,都係睇唔到d心水扭旦,成個show都幾悶下,仲意為可以抽老夫子扭旦,點知要成300蚊.....

行到1點幾,就走人啦!!!但係出面好大雨,我地就係會展留左陣!!

冇咁大雨後,我地就搭船過尖咀!!!

去到尖咀之後,去左花園餐廳食野!!!

食到3點幾,呀sam走左!!!跟住我地分左2邊行!!water,呀恩佢地去睇帽!!我同維維,榮恩,呀達佢地就去睇書包!!

都係睇返上次個書包!!發覺左紅色都幾靚呀!!!

行左陣,就去會合water佢地啦!!!好大雨呀!!!搞到成身濕哂!!!

跟住yvonne走左,我地就搭巴士上肥佬屋企啦!!!

肥佬屋企幾靚呀!!!上到去,佢地玩左陣ps3!!跟住聽肥佬彈結他!!好型呀!!!

之後我同維維,榮恩,呀達攞左兩支結他係到玩!!仲影左好多白痴相!!!

呀達同榮恩走左!!其他人就係房裹面傾下計,玩下!!(不過身體開始有d唔舒服....)

之後波特上左來,大家一齊食杯麵!!!

玩到9點幾,就走人啦!!!

跟住我地部肥佬去還碟之後,就去左食糖水!(但係我冇食到..因為都咳到日日都作嘔啦..)

食到10點幾,我就同妙麗搭巴士走人!!!

今日係放假既第二日,但係都要返去補課!!!

返到去,聽左一陣書,就去左同榮恩,維維傾計!!!我同榮恩仲睇左維維中學d相!!有一張好搞笑呀!!!

跟坐又走返去聽書啦!!練左下d speaking2!!!好快咁就到左12點30放食飯!!

今日去左買m記食!!因為又有6折卡!!!多謝呀才!!!

買返左學校食!!食完之後,我地又來左場激烈既籃球比賽啦!!!

打到1點幾,就上返去上堂啦!!!

同呀達練左次speaking3!!!靚女返左來,又同佢練幾次!!但係我發現我同靚女唔係好夾呀!!!!練到冇咩心機,就落左去睇佢地打波啦!!

跟住同呀恩,yoyo好無聊呀....我地就係操場玩"何仔"同紅綠燈!!

跟住佢地又圍來講鬼故!!!!玩到5點到,就放學啦!!!

放學個陣唔見左yvonne??yvonne你去左邊呀!!!!!

我地就唯又搭地鐵走人啦!!!

跟坐我同維維就去左旺角睇戲啦!!!

一路上行下傾下計,唔經唔覺咁快7點幾!!跟住我地就去豪華買飛!!

買完飛之後,未夠時間,又周圍行下傾下計,仲去麻惠康行tim!!!

夠鐘啦!!就入場睇戲!!!

第一次去豪華睇戲!!!見到個電影院好大呀,但係咁大間戲院得幾個人睇戲!!

今次係睇(江山美人)!!對e套戲都有d興趣既!!!但係睇落真係麻麻地....有少少悶...d劇情又太過急...成套戲得1個半鐘!!!但係陳慧琳係拍到幾型既!!

睇到9點幾,就去左元綠食野!!!今次食154蚊!!!因為我食多d,就要出多d!!!

食到10點幾,我地就返屋企啦!!!