今日係放假的第一日,但係都要返去補課!!!

今早約左佢地成班食早餐!!!食到10點幾,妙麗佢地走先,我同榮恩就等埋維維食埋先!!等左一陣,呀達又來麻,食完之後就返學校啦!!

入到去,又係玩左陣先,先同靚女練左幾次,不過都唔係好熟....死.....跟住又走左去玩!!

上到12點30食飯啦!!因為我地成班都食左早餐,唔多想食,所以我地就係操場玩!!又同呀恩佢地周圍影相!!!跟住我同呀達,維維仲玩埋水池d水!!玩玩下保安叔叔走過來,就即克閃人啦!!

玩左一陣,我就上左我地既秘密基地去玩!!!其實即係一個公園......上到去好熱呀!!!!上到去都係吹下水,同維維佢地玩下波!!!

玩到1點幾,就返學校上堂啦!!!!

返到去,見到上半班既miss返左來,就搵佢教我speaking2!!!好野!!我都終於識講哂一幅地圖啦!!!不過下午靚女唔係到,冇咩練過speaking3呀......

上到一半都冇咩心機上啦,所以就係課室同妙麗,yoyo佢地玩!!!我自己就玩下搖控車!!跟住食我琴日買既出奇旦!!點知裹面2個玩具都係一樣.....黑仔....

跟住走左出去走廊玩下,影下相!!!!

玩到5點就放學啦!!!今日妙麗去買書包,所以我地全部人就去左旺角行街啦!!

今次有,維維,榮恩,呀達,yvonne,呀恩,water一齊去!!!

首先我地去左潮特睇先!!!一路睇一路玩,行左陣,妙麗就買左個書包啦!!!跟住我地再去朗豪坊行!!!

我地又最高行落去!!去到一層,d女仔去左睇耳環,我地其他人就坐左個角落吹下水玩下!!!d女仔睇完之後,就一齊走左過來玩都同埋諗下食d咩!!

行左陣,妙麗又買多左個書包...好恐怖...第一次見到人一次過買2個書包....

跟住就去左美食廣場食野!!但係當我地行過元氣壽司時,無神神有個記者對左支咪係我面前問我野...當時呆左一陣...個腦只係諗我唔上再電視....所以我地就即克走左啦

點解會有記者呢??應該大家都知,前幾日元氣裹面有隻老鼠行過,被人影到,所以就....

食到9點幾,呀達走先!!其他人就再行多陣!!!

我地去左首飾鋪睇野!!我同維維,榮恩就去試d黑超!!!我地三個都超型!!呀恩爆哂鼻血!!

跟住去左間買帽既鋪頭!!可能我地真係太嘈啦,個售貨員好唔滿意我地呀!!咳左幾聲!!所以我地就即克走左啦!!

然後又去左睇書包!!!我同維維,榮恩都睇中左同一款既書包!!點算好呢??

行到11點到,好累啦!!!跟住就同妙麗搭巴士返屋企啦!!

今日醒起中文模擬試,所以就早d返去啦!!!

今日搭左98s返學!!(第一次搭!!)都幾快,好快就返左學校啦!!

返到去,上到9:25都未見我個拍擋維維返來,當正想打俾佢時,佢就入左來啦!!!

跟住先記得原來佢電話佢攞左去整,冇得用!!好才冇打到..一陣佢細路又叫我肥哥哥!!應該叫杰哥哥先岩麻!!!

跟住去左電腦練左2次!!!2次都唔記得左出聲....搞到成日都被維維罵....跟住miss攞我地個段出來聽....miss話我講普通話講得唔錯...下..佢係米聽錯左呀.....

跟住就食飯啦!!!不過今日唔多想食呀,所以留左係學校,佢地就出哂去買飯!!!我同呀才就係到玩部搖控車!!

食完飯啦,我同妙麗,呀恩,yoyo係到鬥車!!仲整左個障礙賽!!好好玩呀!!

跟住去左搗亂呀恩同yoyo打羽毛球!!!以後就無神神一齊走左去打籃球啦!!

分左兩隊打全場!!!我同妙麗,榮恩,yoyo,肥佬一隊!!

我地e隊真係無敵!!!超勁!!!+上我同yoyo係佢地既秘密武器!!我地仲有絕招tim!!

另一隊輸緊!!不過最後都被我同yoyo,呀恩搞到亂哂...都唔知邊隊贏左!!哈哈!!

打完之後,好熱呀!!!!!抖左陣,就去左籃球場坐同埋同妙麗,yoyo,呀恩係操場玩搖控車!!

佢地幫2部車改左名!!一個叫:小黑,另一個叫:小橙!!!

呀達佢地成日蝦小橙!!!搞到小黑要去救小橙!!哈哈!!

上英文堂啦!!今日堂又要做模擬試!!!

望住個spealking2都唔知做d咩....一未都只係keep walking....最後都講唔哂....speaking3就講得哂...不過就好多字都唔識....

上到2:30就放學啦!!!又係嘻嘻哈哈咁返屋企!!!

途中激動過度...柒左....oh my good!!!

ps:榮恩成日打我,維維又成日話我呆9!!真係燥假!!不過佢地又當我講笑..算數!!

早上冇咩特別,都係咁過!!係數學堂冇聽過書,同呀達,妙麗,肥佬慣住玩!!!

今日IA要折上網線同整上網線!!!真係搞到我一頭霧水....仲整錯左次,俾MISS扣左1分...好才維維幫我整返!!唔該哂!!

放學又係同佢地成班嘻嘻哈哈咁返屋企!!!

返到新都,同妙麗去左買搖控車!!!!

最後買左部史迪仔搖控車!!!好野!!明日有野玩!!!

跟住我地買燒8爪魚丸食!!!我竟然一次過食左13粒食!!!超勁!!!!!

不過E個下午茶就食左我$25....OH MY GOOD

今日係星期6,但係都要返去上英文補課!!!

10點到返到蘇屋,就撞到妙麗,YOYO佢地!!所以就一齊返學校啦!!

入到課室,見到上半班既MISS都係到!!好野!!!

跟住同靚女練左幾次,都OK!!差要背返少少野!!跟住就去左請教上半班既MISS教我SPEAKING2!!!佢教左一陣,都開始捉到點樣去講,不過都係差要背野呀!!

教完之後,走左去同維維佢地玩!!!玩到12點30就食飯啦!!!

今日同成班同埋MISS一齊去左飲茶!!今次食得好飽,不過就食左每人40蚊,因為我地請左MISS食!!!都算係咁啦!!

跟住就返學校上堂啦!!!!

唔知係米食完飯,搞到唔多想聽書!!!所以就同維維,榮恩,世傑吹水多!!!

我同維維,榮恩真係太無聊啦!!我地攞左MISS枝白板筆,玩差輸左,要被人畫公仔係手背到!!結果就緊係我地三個都互畫大家!!哈哈!!好好玩呀!!

跟住去左廁所洗手後,返到課室,又繼續玩啦!!今次係玩成隻手!!!我地三個都互畫對方,我幫維維畫個隻龍穴係超型呀!!哈哈!!!

跟住呀達返左來,+入左來一齊玩!!!哈哈!!後尾仲玩埋寫字係手到,咩XX校花!!!哈哈!!

玩左好耐呀!!!不過到最後都係要去廁所洗左手!!!

返到入課室,諗住開始正經聽書,不過都唔得,一路做工作紙一路同呀恩,維維佢地玩!!!係到左差唔多落堂時,先同左世傑練左次新教既speaking!!!

上到5點,就走人啦!!跟住我地成班就去左旺角行街!!有我啦,維維,榮恩,呀達,妙麗,肥佬,water,yvonne,yoyo同呀恩!!

去到旺角,我就同維維,呀達,榮恩去戲院買飛睇戲!!!

買完之後,就去朗豪坊搵返妙麗佢地!!跟住就周圍行,睇書包,睇帽,睇鞋!!但係我真係好想買個對鞋,不過佢地個個都反對,妙麗仲要同我絕交.....都係算吧啦!!!

行到8點幾,我同維維,榮恩,呀達就走先去睇戲啦!!!

今次係去睇(軍雞)!!之前都想睇佢既漫畫假啦!!不過唔俾我租!!!所以都好想去睇e套戲!!不過又真係既好睇呀!!個故事唔錯,但係有結局=冇結局,可能要d觀眾去諗啦!!而且余文樂好型呀!!劉心悠好靚女呀!!!!

睇10點幾,就去左kfc食個新餐!!!又好食又抵呀!!!

食到11點到,就搭mtr返屋企了!!!

青龍,朱雀,白虎,玄武!!!超型!!!

估唔到又真係既好睇!!好睇過我之前睇個三套鬼佬戲呀!!值得各位一看!!

今日返8點30上垃圾英文補習班!!!

一如以往都係唔知個8婆miss講咩屎!!!上上下堂,我只係咳左幾聲,就被人捉左去攞口罩...oh my good!!冇計,現間流感太勁啦!!

跟住上生活教育堂!!今堂要分組,仲係要長期都要同組員坐!!!所以我地就用包剪拳既方法分組!!!分成三組:包組,剪組同拳組!!

我係剪組,同維維,妙麗,呀賢一組!!!都算係咁啦!!

跟住就食飯啦!!因為琴日食得太貴,所以今日全部人都食飯盒!!!食完飯,玩左陣飛行祺,就上中文堂!!!

中文堂都咁啦!!!上完之後,就上project work啦!!

今堂又係教蛇仔game,成堂都唔知佢講咩.......跟住呀sir話又要分組做野,好煩呀!!

放學啦!!!妙麗佢地留低(溫書)!!!

我就同維維,肥佬搭巴士返屋企啦!!!係車上面訓死左....好眼訓呀...

返到屋企睇碟!!睇到9點,就換衫出左去同d中學同學食飯啦!!

今次又係去食韓燒!!有我啦,柯華,麗欣姐姐,朱wing,鑽石,大佬源,豬錕,林狗,肥雷,千野,nami,apple!!!

好耐冇見啦!!!今次都食得幾開心!!!!

食到10點幾,行左陣,就同麗欣姐姐返屋企!!!

跟住到麗欣姐姐一路行一路傾計!!好耐冇傾計啦!!真係笑鬼死我!!!

傾到12點到,送左佢返屋企,我就返屋企啦!!!

麗欣姐姐既學生送俾佢既禮物!!哈哈!!好得意呀!!!