唔想打咁多...

今日放學同佢地去左旺角搞camp d野!!

影左幾幅相:

兄弟囉!!

今日要普通話口試!!都驚驚地呀!!琴日成晚都冇同維維練,傾左第二第D野!!!

8點幾返到去,上左陣堂就開始啦!!!

點知我同維維全部都講得哂,仲講得唔錯呀!!!應該合格啦!!!

點知維維仲罵我,唔講地址!!!真係呀,都講得哂呀,仲罵人!!!!頂你個X!!!

放早左,諗住出去食,點知因為一個人,搞到要係學校食!!!

冇咩食野,食左個雞脾算啦!!!

跟住我地係學生休息室吹水!!同維維玩拍手遊戲,自己反應太慢,被維維打到隻手紅哂!!

跟住肥牛去租左個電子大富翁玩!點知,個新玩法好煩呀,搞到肥牛同妙麗好火!!!笑死人!

最後都係轉左玩層層疊!!

玩玩下,有2個英文人行左埋來,同我地一齊玩!!!

輸左要做掌上壓!!!呀賢做左30下!!!YVONNE就要坐係WATER上面WATER做30下!!哈哈!!!!

玩完之後就上英文堂啦!!!!

係電腦室唔想上呀,都係同維維,榮恩,呀達玩!!!

上到2點30,我地就去旺角書包!!!!

我同榮恩,維維因為睇中左同一款書包,所以一齊買!!!

買完之後,我同YVONNE,WATER,呀恩部維維去買畫筆!!!D畫筆好貴呀!!嚇死人呀!!

跟住呀恩同維維走左,我同YVONNE,WATER就周圍行!!!

行到8點幾就返屋企!!!

今日約左維維,榮恩同呀達睇戲!!!

1點幾出門口,2點幾到旺角!!點知佢地個個都遲到!!!!

係地鐵站等緊榮恩同呀達個陣,被d笆夫既香味引左過去買左個食!!超正!!!

榮恩同呀達來左之後,去搵埋維維,就出發去新世紀廣場啦!!!

去到之後,去買左飛先!!因為榮恩有優惠券,所以先出來睇戲!!但係計返每人都要俾返$27.5!!!都抵左假啦,比豪華抵左$2.5!!!

買完之後,就去左美食廣場食野啦!!!

食到差唔多夠鐘就入場睇戲啦!!

今次係睇(史柏力魔怪書)!!!本身都有少少興趣既,因為榮恩優惠券所以就有得睇啦!!好好睇呀!!!好睇過(江山美人)多多聲!!最後個大佬死得好搞笑!!隻精靈好得意!!

不過被d老鼠嚇親下....因為我好驚老鼠同貓....好7呀...

睇到5點幾之後,係新世紀行左陣,入左書店睇書!!!因為維維要搵靈感!!!

睇左本星座書!!!好搞笑呀!!!講星座與星座之間既人際關係!!又幾中呀!!!

行完之後,就出返旺中!!呀達走先!!

我同維維,榮恩就去左瓊華,潮特睇下衫睇下鞋行下!!

我地傾傾下,我地都好多野做呀~~買書包,買鞋,買衫,踩單車,去camp等等~~

真係要儲錢啦!!好才自己都有儲定d糧係銀行!!

行到8點幾,諗住再朗豪坊行行!!但係榮恩要食飯,所以就走人啦!!

係地鐵裹面,有2個bb好得意,猛料我同佢地玩!!!哈哈!!

今日落雨,但係都要著拖鞋返學,真係麻煩呀!!!不果今日有呀達同我一齊著!!嘿嘿!!

8點先起身,9點30先返到去,趕唔到上英文補習班!!!

跟住就去左上生活教育!!!今日要交功課,但係唔識做,我同維維琴晚都諗左好耐!!所以都返到來先算!!!

如來好多人都未做,搞到miss好惱!!!跟住係到講道理,講左成粒鐘,先上堂!!!

上到11點30就食飯啦!!!

出左去買車仔麵食!!食完之後,入左學生休息吹水+聽歌!!

吹到1點30就上project work啦!!!

今日分組講project!!!講到2點幾,就唔洗上堂,個個都係到玩!!!

3點30,就落堂啦!!不過5點30要聽升學講座!!!未走得!!

yvonne同yoyo,water去左圖書館溫書!!我就同維維,妙麗,馬份,肥佬,呀恩去左籃球場玩!!

維維佢地打波,我同呀恩,妙麗係到錄mv!!!哈哈!!好搞笑呀!!估唔到呀恩唱歌咁好聽!!

玩到差唔多夠鐘,就去左聽講座啦!!

聽到6點30走得!!!

跟住妙麗話去旺角睇渡假屋價錢!所以我就同維維,妙麗,yvonne,water,呀恩去旺角啦!

今次搭巴士去旺角!!係車我地玩到好嘈呀!!!哈哈!!

去到旺角,首先陪呀恩去換惠康禮券!!!好多人排隊呀!!!搞到7點幾先搞點!!

跟住就搵野食啦!!我地去左間餐廳食扒!!!

一路食一路玩!!笑料百出呀!!!可能我地玩得太嘈啦,後面d人bad哂面!!!

食到9點幾就走人啦!!!跟住我地去左附近行行,再去左朗豪坊行街!!!

行到11點幾,就同妙麗搭巴士走人啦!!!

今日隻腳子公傷左,所以今日要拖鞋走天涯!!!

9點幾返到上英文堂!!今堂又開始教新野啦!!4月尾考reading,5月頭考writing..諗起就煩啦!!!

今堂都係上下堂,同佢地玩下!!!!

上到11點30就去上數學堂!!!!榮恩唔洗上..走左!!!

今堂都冇咩心機,上上下同yoyo佢地玩左去!!

上到1點30,好肚餓呀!!跟住就去食飯啦!!!

去到幸福村未夠鐘下午荼,我地就去左黃克競參觀下啦!!

黃克競同我地既vtc真係分別好大呀!!!!學校靚既多呀!!!

不過我地vtc都唔差,小小地,夠溫暖呀!!!

行左陣,夠鐘就去食飯啦!!!

食到2點幾,我同呀恩唔洗上堂,就搭mtr走人啦!!!

因為我要去買瑪利奧d衫,所以就拉埋呀恩去旺角!!!!

終於買到啦!!!因為我個邊冇得買,搞到要去到旺角買呀!今次用左EPS俾錢,第一次用呀!

買完之後,我地去左朗豪坊行左陣!!!!

行到4點幾,就返屋企啦!!!