今日9點起左身,不過仲想訓,但係要去漫畫節,所以搞點哂d野,就出左門!!10點剛剛去到調景嶺地鐵站啦!!去到見到千野,葉志,豬錕,陳裕豐同kamie,但係隻死人火山龍遲遲都唔來,等左佢一粒鐘先來,真好想打爆佢!!!去到灣仔後,跟住去左食m記,食完後,12點到就入左去會展啦!!入到去,今日都唔算多人,我地就周圍行,我見到小新出左新一期就沖左入去買!!再行,見到嗚門同小櫻(卡通服)就走左過去同佢地影相!!!再周圍行,見到好多展覽姐姐,我都走左去影相!!行到1:30到,話會開show聽音樂,就企左到等,但係正式2:30先開,所以我就自己行行!!到2:30啦,雖然係好嘈,但係有幾隊唱得幾好聽,但係最後都係頂唔到,睇到第6隊就去行行!!行左一陣,坎返去睇,睇左一陣,佢地話要走,就走左啦!!出到會展,沿途見到好多卡通服,我見到好興奮,我走左去同卓洛,仲有2個唔知咩卡通人物照相,仲有見到個曉既人,我覺得佢好核特,所以影左佢就算!!出左去,我地去食許留山食野,食到6點到,就搭地鐵返屋企啦!!今年都好似冇咩睇,都只係買左2本小新同一本犬夜叉!!

今日11點幾就起左身,睇完(青出於藍).就同老豆去飲茶!!飲到2點幾,阿寶打來,問我食唔食野下..我剛剛先食完野,算啦!!所以我就陪佢食野吹水,吹到4點到,就返左屋企!!返到去,打俾火山龍,問佢係米去睇KERORO 軍曹大電影,所以就約睇10點個場!!到左9:30到,我同小白一起去將軍澳戲院,但係火山龍打來,話趕唔到來,下.......有冇搞錯,係佢話要睇!!去到見到番薯同田雞唔知係米好奈冇同佢地出街,感覺好似怪怪咁入到去睇,可能番薯睇第4次(佢係米低b睇咁多次),我覺得幾搞笑,但係小白同番薯都唔笑下,仲話我白痴!!睇到11點,就返左屋企啦!!

下左3日雨,今日終於出返少少陽光啦!!!!今日8:30就起左身,因為約左老趙去游水!!我9:00到去到,我見佢仲未到,就等下啦,等下,等下!!我等到9:30仲未來,我諗住去啦!!但係又覺得山長水遠來,無埋由走,所以我再等,但係突然下雨,但係我都為由照等!!等到10:00到,走上游泳池平台睇睇,點知俾見到佢個死仔係裹面游緊水!!我就立即沖入去,個時都唔知好惱定好笑!!真係好想走過去打佢,不過最後都收起d火去,同佢去游水!!我同佢游游下,游都累,就坐左係池邊,同佢傾計,都傾左好多野!!游到11:00到,沖完涼,就左去食野,食到12點幾,因為唔想咁快返屋企(因為屋企逼我買書)就同老趙一起行返去尚德!!一路傾計一路行,又係傾左好多野!!返到尚德一點到,老趙返左屋企,而我就搭地鐵返屋企!!返到屋企,差唔多2點,見到電視做緊(愛.回家)就睇下啦!!我睇到真係好想沖入去打爆個死仔,咁樣欺負自己婆婆,睇到D火又沖上腦!!

嘩嘩!!今日超熱,熱到想死,就來變人乾!!今日又訓遲左,8:30先起身,不過好才遲唔會被人捉,所以我就慢慢行返去!!9點3到返到去,聽左一陣書先感覺到一陣涼快既感覺!!今日何sir個樣笑鬼死我,個樣古古怪怪笑死我!!哈哈!!!!終於都放學啦!!我同豬錕,老趙一起放學,去到地鐵站,老趙返屋企先,我同豬錕見到葉志,吳卓林同大怪獸,就同佢地一起去坑口食野啦!!同佢地食野,猛係到講笑,笑死我!!哈哈!!食完野,三家姐打俾我一起返屋企,返到屋企,係廳到訓左一陣,一路爆汗一路訓,真係熱死人!!!好想去游水!!!

今日返左去補中文,真係俾何sir個樣笑死,都幾好上啦,雖然有少少想訓,但係都好過數學啦!!跟住今日睇左篇文章,係講人與人之間既溝通,用左門,窗同牆做比喻的!!我就係到諗,冇錯!!人係唔可以被一幅牆困死的,要打開窗同門與人溝通,要多接觸同睇清楚出面既世界,如果唔打開,就會悶死,永遠都不會得到人既信任,只要打開左就可以俾多d既人來接觸!!!嗯!!講得相當好,我只要打破自己所築起既圍牆,多d打開對門同窗,多d接觸下人地,改變一下自己既態度,我可能會搵到我一直想搵到既野!!!但係幾十年既性格點可以話變就變,不過都會試下既!!!諗左好奈好奈,終於都放學啦!!今日古敏儀冇返,所以就同小白返屋企!!估唔到,小白同我既想法係一樣,我地2個都咁可憐........!!2點到返到屋企,一路食野一路睇GTO,如果有GTO咁既老師就好啦!!跟住5點到,約左老趙陪佢剪頭髮,我就載左佢去我剪開開個間!!但係去到慧安園門口,見到班賣書死飛仔同D保安罵起上來,我同老趙見到咁,所就走後門上啦!!剪到6點幾到,我睇到老趙個頭都唔錯,既靚仔!!跟住我地行多陣,7點就返左屋企啦!!跟住就係睇新紮師妹2既時間啦!!哈哈!!