嘩嘩!!煩死啦!!煩死啦!!連續2日都係補數學,e2日根本就係地獄,尤其係今日!!!今日既焦早一直都過得好好!!但係到下午既數學補課,唔知係唔係肥婆華冇返,粒死魚但,竟然問我數,仲要問左題我唔識,我幾驚真係仲要留堂,好彩唔洗!!唉.......e2日又係變成咁,可能又係我啦.....嘿嘿....真係煩死....真係玩死,洗日都係我........算吧啦...認命吧啦!!

唉......講返琴日d野啦!!琴日,12點幾起身,跟住玩左陣電腦,就打俾老趙係坑口地鐵等,2點到去到,跟住我地去左麥記見,但係老趙冇個人相,所以我就陪佢去影相,跟住去左吉野家食野,食到2點幾到,攞完相,就返返麥記見啦!!入到去,填完d表格,跟住坐左勁奈,我地就只好係到猛吹水,吹到4點幾到,又要我地填d好似測驗卷咁既野,填完後我地一大班見工既同個麥記員工講野,但係我都知佢好辛苦,佢問既野又冇咩人理佢,所以我都同佢講左幾句野,老趙講都唔講!!跟住老趙先去見經理,我見老趙同佢既好傾,仲指住我,下....咩事,個經理仲晤老趙幾時返得工,下....係唔係一定請佢!!跟住我去見,傾左一陣,走個時問我幾時可以打到俾我地(我同老趙用同一個電話)我就話幾時都得,我係到諗(係唔係請埋我假,如果唔係請我,又打俾我,話唔請我,我米好樣哀!!!!!.....)跟我地就返屋企啦!!返左去坐左陣,坐到7點幾到,就返學校攞成績表啦!!!一路我都好緊張,去到後係課室坐左陣,阿sir就入左來,但係阿sir話得家長可以攞到,所以我就坐左一陣,等d人走左d,我同肥婆華,喵喵走去偷睇成績表!!睇到自己d成績後..............我點會考成咁,退步左勁多,我仲要補考,個陣真係好驚唔知點算好,返到屋一定俾人鬧死!!跟住睇返其他人d成績,原來自己係考13名,再睇一睇,原來12名打下都要補考,下.......緊唔掂,點會咁黑仔!!!跟住等d人走哂,我同肥婆華,喵喵,老趙就留低同阿sir傾計,何sir話我地10幾名個d,升中5機會仲係好大,學校只係想我地合格返個幾科,雖然聽左個心舒服左好多,但係都係好失望!!傾傾下,老趙突然走左,見佢個樣好似好唔開心,我同阿喵都好擔心佢!!同阿sir傾到9點到,就走左啦!!一路返屋企,都好唔開心,對自己成績好失望,我日日都有溫書點會考成咁,仲要退步左勁多,唉....,我之前咁努力溫書,都唔合格,仲要我溫多次,好唔憤氣!!!唉.....怨天怨人都冇用,唯有跟住個補考盡全力,考好佢啦!!返到屋企我都唔敢話俾我地聽,唯有8月2號個時,睇下升唔升到先話俾佢地聽啦!!跟住老趙打俾我,問我d野,都傾左陣計,我就問返佢補唔補考,佢都話補,希望我地可以一起升上中5啦!!!

  今日8:30起左身,就同老趙去左游水,我終於學識游水啦,仲游到半個大池,係自己學返來,嘿嘿!!游到11點到,我地去左食飛碟,食到12點幾到就返左屋企到啦,!!返到屋企,一路訓一路係到爆汗,勁熱,有34度!!!!想死!!!

今日係7月12日...我8點鍾起左身,搞點哂d野,就返散學禮!!9點返到學校,上完早會,就上左禮堂,進行散學禮,校長講完野,又頒完獎等等,到10點幾就完結了,跟住同河馬同筷子放學,我地去左寶林食野,食到11點幾就返左屋企!!返到屋企,坐左一陣,諗一諗,嘩!!估唔到咁快就完左中4啦!!!真係快樂不知時日過,今年都幾開心啦,識左好多朋友,仲有去左同做左好多以前冇做過既野,例如...去長洲過夜啦,同朋友返大陸過夜啦,租船出海啦,一班人做壁報做到7點幾啦!!好多!好多!!真係最後一日啦,我同同我玩過,笑過,返學,放學,上堂,出街,傾計,傾心事,傾電話,好多好多既同學仔同朋友仔,講聲........多謝哂!!!!!

  今日1點到就同老趙一起去搵工!!我地去返間pizza客見先,但係間死人pizza客唔請暑假工,所以老趙就自己見先啦!!跟住我地去左坑口搵,我地一起搵左間sala見,但係唔知佢請唔請啦!!跟住我地去左銅鑼灣,一出地鐵站,我見到間吉野家請人,我地就入左去睇睇,入到去,見到好多人,我地見到咁多人,所以就走左啦!!!跟住我地去總統商埸行行,我地當初覺得一定係好高級啦,,但係入到去係超級冷清.....都入左去,就周圍行行,俾我地見2間賣性用品既鋪頭!!!!真係嚇死,不過見到d性用品,覺得好搞笑!!跟住我地去左間叫做紅吧既商場,我地當初仲意為入錯酒吧,入到去原來唔係,跟住就行左陣,見到間糖果鋪請人,個老闆仲既幾靚女,老趙仲想入去,真係笑死!!走左出來,又周圍行行,見到間好高好靚既商場,所以我地就入左去,入左去見全陪都係名牌鋪頭,d人全陪都係著名牌,我地見到就立刻走左,行多一陣,就返左屋企啦!!係途中,我叫老趙唔好走,佢又話睇下河馬點,唉...真係...決定係自己到,真係煩!!返到屋企,河馬打來,話個個咩袁浩明返左來,下...邊個來,河馬話搵日出來食野,出就出啦!!跟住我就問問河馬仲走唔走,佢又話睇到係個到讀d人話要讀到中5先報到d好d既課程,話唔知走唔走好,佢同老趙仲要俾埋申請表好才19號先面試,可以有多d時間俾佢諗!!唉...真係..一早聽我講米好,搞咁多野,希望佢地2個唔好走啦!!