琴日冇打日記,今日一次過打哂啦!!

講返琴日,我琴日11點幾到起身,跟住就同老豆阿媽飲茶!!我地照常搭升降機上3樓入茶,當我地入到升降機,個師奶一按3樓,無神神我旁邊個個男人,猛係到x我地老母,佢話e到係私人樓,飲茶就行第二到,信唔信我報警x你老母!!!!下......佢咩事.....我地冇理佢,當我地出左升降機,個男人仲係到x我地老母,我老豆終於忍唔住,x返佢老母.而我同我阿媽都一起x返佢老母,最後個男人不敵我地,走個陣仲吐我地口水,我想吐返佢時,佢就縮返入升降機走左!!仆佢個街,猛係到x我老母,我仲諗緊佢係米傻,問返d師奶,如來佢唔係傻,e到有d人買左屋就當私人樓,但係佢都唔洗咁,好聲好氣同我地講米得囉,洗唔洗x我地老母,佢都白痴,咁勁就唔好係到住啦,搬出去住囉!!飲到2:30到,就去左搵阿喵同肥婆華,同佢地係新都城周圍行,行到6點幾就返左屋企啦!返到屋企睇港姐...唉...d質素一年差過一年!!!!!

講返今日,今日11點就起左身,因為今早約左d天堂2網友打地龍,所以一早就起身啦!!打左超奈,打到2點到先打完,但點知有人襯地龍死個時掉D寶,偷哂d寶,冇偷得個2樣,搞左緊奈,搞到3點幾,都搵唔到邊個偷,最後全陪人都係分得個3百幾萬!!有冇搞錯,我打得咁辛苦,俾我知道邊一定打死佢!!D gm冇鬼用,又話查,查到現間,先話唔會理我地搵返,食屎啦佢地!!跟住係屋企睇妖夜尋狼2,嘩嘩!!今集淫左勁多,d搞野鏡頭影到足哂,我仲同我阿媽一起睇,真有d唔好意思,不過今集好睇過上一集好好多!!跟住7:30就出左去,同老趙睇(魔蟲口入),e套戲恐怖同核突於一身,d蟲勁核突,有幾場又睇到我同老趙嚇到彈起,都唔知今晚點訓得著!!睇到9:30就返左屋企啦!!

因為今日要返去補中屎,搞點d野9:30就出左門啦!!去到地鐵站,撞到阿喵同肥婆華,所以就一起返學啦!!去到tko地鐵站,阿喵同肥婆華話唔想返,所以係地鐵站企左陣,肥婆華打俾apple佢地問佢地返唔返,但係apple返左去,而肥婆華就叫apple不如走!!等多陣,apple打來,如來阿sir冇返,(我個心都冇咁驚)所以佢地都走,去到地鐵站,我地就一起去apm唱k啦!!去到apm,上左卡啦k房,點知千野同我地講,話學校打來.......下...唔係麻!!!如來阿sir有返,佢坐左係小食陪等我地(佢係米傻假)!!個陣都唔知點算..老豆一定罵死我!!冇計啦,唯好同老豆照實講啦!!好才老豆都信我,冇罵我(我冇講去唱k!!嘿嘿!!)唱到2點到,有人入來,話叫我地申請哂點紅點綠卡,仲有好多優惠,我知可以見stephy,所以就申請左啦!!申請完,佢俾左本薄仔我,我見到裹面寫住d優惠.......啞左....都冇用........白白俾左$50!!!!!!!!唱到2:30,我地就走啦,我同阿喵,肥婆華去買書!!我地去左坑口買書,行左勁奈佢地都買唔夠5本書,都話去天利行買啦!!跟住我地去左kfc坐,唉....我地慘到要三個人湊錢,先買到一個特價餐......早知就唔申請啦!!坐到5點幾就返屋企啦!!返到屋企,勁肚餓,所以叫阿媽快d開飯!!點知阿媽俾左杯咩靈芝水我飲....下...唔係麻...我勁憎飲苦茶!!我拖左緊奈都唔飲,最後阿媽用眼神空一空我,我就只好飲左去.....嘩!!!杯野超苦,飲到我想嘔..........阿媽仲話仲有大把要我飲!!唔係麻!!救命!!!

今早8點幾老趙打來,話去游水,個陣想訓多陣,但係都係起左身啦!!搞點D野,就出左門啦!!我地游到11點到,跟住去買龍虎門張飛(都唔係好想睇,都係陪佢睇!!)12點入左場,對E套都冇咩期望,但係睇睇下又覺得幾好睇,冇我想像中咁差姐!!睇到1:30到,老趙返左屋企,我就去左新都城租妖夜尋狼返屋企慢慢睇啦!!

   今日1點到起身,打俾家嫻去食野,食到4點到返左屋企!!因為約左肥婆華同老趙睇魔盜王,所以6:30到就去左戲院等佢地啦!!但係肥婆華同我講話蕃薯約佢睇容祖兒出唱會,但係約左我地冇得睇!!好似有d唔好意思,話哂都免費仲要係張飛9百幾蚊!!肥婆華又同我講,蕃薯佢地諗住遲d約阿釵個d睇魔盜王!!但係我自己又睇左先,又好似有d唔好意思!講返套戲先,9:30睇完,e套戲真係超好睇,睇多次我都去!!不過最後好釣引,好想快d睇第三集,又發哥做,超期待!!!!

    第三集劇照!(仲有好多,放住一張先!)                尊尼特普!!!

今日係知唔知道升唔升到既日子,講真真係好驚!!!今日訓到8:30到,紙巾打來,話吳達智睇左我地升到,個陣真係鬆哂,所以安心地訓過!!到11點幾到,筷子打來,話佢同華政都升唔到,下....華政佢考15名,都升唔到,開始有d唔係好信個結果!!跟住紙巾打來話d老師仲傾緊,明日先知,下....唔係米!!!跟住1點出門開始出發學校!!係地鐵站等埋milk同肥婆華,就心驚驚返學校!返到去,問下個書記,升唔升到,個書記話我地升到!!聽到真係好開心!!!e個應該係結果啦!!跟住就走啦,出到去,知道左番薯同肥蘇都升唔到,知道左個心都有d唔舒服!!跟住我地去m記食野,食食下,肥蘇打來話冇傘過來,所以我就去學校接佢!!去到學校,肥蘇話要等miss郭講d升學資料,所以我就陪佢等!!miss郭來左,叫埋我都一起聽,所以我都走過去聽!!!聽聽下,番薯同佢媽媽,都來左聽!!講到3點幾到,番薯同肥蘇都決定報朱石鏕,好才都有位,希望收佢地啦!!跟住miss郭同我,你升到中5,就要好好讀書!!嗯!我會+油!!!講完後,番薯同佢阿媽媽走先,而我同肥蘇就去搵阿milk佢地!!跟住我地去左廣場坐,見到勁威,原本勁威都升唔到,祝佢好運啦!!坐到4點幾,肥婆華佢地去攞身分證,我同勁威就返屋企啦!!

     最後,希望要走既朋友,希望你地搵到適合自己既路,仲有千期唔好唔記得我!再見啦朋友仔!!!