講返琴日既事啦!!琴日一起身,就立刻做功課,做做下,突然想做個cake!!我就膽粗粗試下做,做緊個陣,開始覺得有d唔係好點,但係都照放入去焗!!焗左出來,都幾香,都唔係咁差姐,幾好味!!8:30搵埋小白同番薯,就出發去尚德!!!去到尚德商場天台,坐左陣,開始感到悶意,所以同肥蘇去買m記!!食食下,小白同肥婆華話悶過頭,話要走先,但係我唔想咁快走,所以留低同毛毛,阿ling,田雞,番薯,阿釵,仲有阿ling d朋友玩!!我地一起玩左好多野,不過最激係玩誠實同大謄,玩左好多好激既野,廢屎講啦,嚇死人!!玩到2點到,我自己搭的士返屋企!!(今次聽到好多唔想聽到既野,又要俾人話我左住哂,食屎啦你,關我鬼事!!!勁想發火!!!)

好奈冇上來,等我講返我同田雞生日個日先啦!!個日之前,發生左d唔係咁開心既故事,所以對今日我生日都冇咩期望......今日一早起身,就收左老豆老媽封利是!!一點到,約左阿寶,出來同我食野!!食完,行多一陣,就返左屋企,不過途中有人打來,搞到我好鬼火!!返左屋企正想訓覺時,火山龍打來話同一起出來食野!!我就話好,點知俾火山龍呃左出來!!!!!最後同火山龍,小白同肥婆華,去睇戲啦!!去到鑽石山,見到阿毛,阿釵,阿king,番薯,田雞,珍珍,我地就立刻衝入去戲院睇(生還者)!!睇到10:00到,套戲麻麻姐,不過都幾嚇人!!跟住我地去左kfc食野,食到11:00到.我地去左彩明坐!!坐到1:30就返左屋企啦!!(雖然俾火山龍呃左出來,不過都要多謝佢!今日好開心,收到d野好開心!!)

今日係9月1日開學日!!就係一個新的開始啦!!當我行返去時,係到諗唔知d轉校生係點呢??但係返到去如來係冇,真係失望......不果唯一開心既事,係致遠做我地班主任,真係開心!!!但係我地仲有個李sir係我地班主任,不果都會好少見佢啦!!仲有我做到班長啦,其實我一直都想做,嘿嘿!!不果有d覺得個課室好空,係e個時候望住個課室,又d諗返起4d開學初個時同.........!!12點幾放學,我同小白,ling,nami,肥婆華去tko中心,去到佢地搵左阿毛後,跟住去左kfc食野,跟住火山龍都來左,但係小白同nami同火山龍有事走左!!最我同肥淒華返屋企!!

今日訓到1點先起身,琴日太累啦!!一起身小白打來,問我去唔去做功課,我就話是但啦!!跟住同老豆老媽飲荼,飲到3點幾,就去左做功課!!我一直係到做地理,做到7點幾先做完,做到死,超多題!!跟住等埋nami抄埋我份地理,我地8點幾就返左屋啦!!!

今日決定左都係去石澳!!!唔好意思,肥婆華!!!!我2點到去到地鐵站,見到阿政,筷子,肥蘇同番薯,仲有一個唔識既!!等多陣阿毛,田雞同阿釵,阿ling都來麻!!!跟住我地就出發啦!!!去到石澳,好才我地搵爐,如果唔係都唔知燒咩!!!係到燒,佢地猛係到燒,不過我都冇咩燒到(唔太鍾意bbq)燒到4點幾,小白,nami,火山龍同阿珍都來埋!!田雞佢地去左游水先,我就同小白佢地跟住去,游左陣,佢地租左橡皮艇去浮台出去,我同肥蘇冇得坐,所以走返去bbq到!!跟住坐到,7點幾,我地搞點d野,就去左沙灘玩!!我地一起玩捉迷藏,麻鷹捉雞仔,馬騮搶球,玩到好開心!!(不過田雞個d冇玩到....)玩到9點幾,佢地沖埋身,就走左啦!!!返到箕x灣,我地去左食糖水,食到10點到,佢地話去尚德坐,我唔想去,就自己返屋企先!!返到屋企,沖完涼,一路食飯一路睇棟篤神探,超搞笑!!睇完,再睇阿旺,再玩電腦玩到3:00到,就訓左啦!!今次至7月來,第一次見返咁齊人,真係開心!!雖然今次石澳之行唔係話100%咁好玩同開心,但係感覺都唔錯啦!!(冇人有相機...抱憾終生...)

嘿嘿!!係火山龍到偷過來!!