因為我琴日先知,如來sir22日生左日,所以我地就叫大約幾個人,一起買cake俾何sir!!因為中屎係最後個堂,所以我地就午膳出左去買!!到左中屎堂時,阿sir一入來,我同carlo就攞住個cake,全班一起唱生日歌,阿sir勁開心仲好驚喜,我地好感動!!最後我地唔洗測驗,同阿sir一起食cake!!到左數學補課,本來都冇咩野,點知我見到張sir個屁實在太搞笑!!所以我就攞出相機拍,點知唔記得close左個閃光燈,被阿sir見到,我就立刻刪左張sir去!!但係都被佢收左相機,仲要我寫口供紙,仲罰企企到7:00,好才小白佢地都等埋我,真係唔好意思!!但係我地就走之前,被miss張同張sir話左一陣,先走得!!佢2個都係煩到仆街個d!!!

好辛苦!!!!日日都有好多功課同測驗!!!全個9月都要放學後補習,日日都5,6點先放!!!今日要上早會堂接咩鬼班長章,麻鬼煩!!P.E堂個時要測驗,要9分鐘跑18個圈,我估我都唔點,好才我都跑到19個,不過累死!!!跟住放學個時,仲要留低補英文,仲要補到6點,個陣真係累到想死!!跟住6點幾返到屋企,沖完涼,都冇休息過,就做功課,跟住仲要為後日測中屎溫習....唉...好累!!好想大覺訓!!!(有少少期待星期5同阿SIR佢地去食火煱!!)

e幾日都唔得閒,日日都有好多測驗,功課同補習,襯今日星期5打返星期三個去英皇補習!!!個日放學補完地理,我就返左屋企,搞點哂d野,6點幾就出左去啦!!去到9龍灣,見到千野,小朱朱同apple,跟住等埋肥婆華,我地就去吉野家食野啦!!食食下,葉志同小白同來埋,跟我地去左影貼紙相,影到差唔多時間,我地就去左英皇!!入到課室,等左一陣,阿sir就左來,不過我地係夜晚班,所以得我地幾個,仲有三個女仔!!!雖然阿sir講得係有少少快,不過我都跟到,仲有個阿sir好搞笑,上咁奈都係一路笑一路上,我地仲叫佢做軒軒!!!上到10點到,跟住去左搞學生證!!個個死人李嘉威(上次提個個好搞笑既男服務生)張我張相剪到洋蔥形,話襯返我個頭,頂佢!!跟住我地就返屋企啦!!!返到屋企超累,沖完涼就訓左啦!!!

今日12點幾起身,死啦!!仲未去搞身份證,我就啦啦聲打俾老豆,下...佢仲同我老媽睇緊醫生,我就一路睇vcd一路等,我老豆2點到打返來,我可以去搞啦!!!2點幾去到智能身份證中心,凡埋我老豆老媽,點知要4點先搞得,早知就預約啦!!我同我老媽周圍行,我老豆就返屋企先!!到4點啦!!我就立刻走去搞!!!同我影相個條友麻鬼煩,又話我眼鏡反光,又話我個頭似菇,勁想打爆佢!!!!!!最後好才都撰左張唔錯,最後見埋個主任就走啦!!去到調景嶺地鐵站,又要等埋小白來,所以又係地鐵站等佢!!去到9龍灣地鐵站,等埋小白,我地就去x大商場行下等埋千野佢地!!!5點幾到,等左千野,我地就去睇下現代睇下先,但係冇位,有位要去到沙田...唉冇望啦!!所以唯有去英皇睇下,去到英皇好才有位,又係搞左好奈,有d又話唔報,又無神神話要報,搞左好奈,個男服務生勁搞笑,又好玩,我地同佢一路申請一路同佢講笑,勁好玩!!搞到8點幾,終於搞點啦!!我地終於可以返屋企食飯啦!!

今日下超大雨,返到學校條褲都濕哂,搞到好唔舒服!!!今日派左兩份中屎同地理既卷,唉...兩份都測得唔係好好..........有d失望,好想測好d.....!!今日係tyh既大日子,因為羅范x芬來學校,本來今日要下禮堂,但係唔知做咩唔哂下,搞到要係班課直播,不過好多人都冇睇到,好多人都係到做功課,不過我接到我份英文作文要重作文,真係有少少唔開心,而且日日都有功課,又有測驗,開始感覺到d壓力.....跟住放學啦,我同肥婆華,小白,一起返屋企!!(e幾日迷上左睇返福音戰士同佢d模型!!嘩!!唔得!!唔得!!我要溫書!!)