今日經過地獄口語英文堂後,好似老左十年好辛苦!!跟住午膳我出左去交錢,交完後,我見到一個好似何sir既人自己一個食飯!!我當時估應該唔係何sir啦,但係望兩望,真係好似!!返到學校,上左1樓,望出去,見到何sir企左係魚池!!如來個個真係何sir!!何sir好慘,自己一個食飯!!就e次事我同apple佢地講,佢地都覺得何sir好慘,所以我地就決定星期四約何sir去食飯啦!!

講返個日先啦!!!個日2點幾就出左去,會合肥婆華,小白,肥蘇,千野,nami,神父,火山龍,葉志,朱wing同豐豐,跟住就出發啦!!入到去,就玩左墳場玩先,都幾恐怖!!但係估唔到,小白竟然會驚到死,真係估唔到!!跟住就左玩鬼衙門,e一個嚇死我同肥蘇,因為有隻鬼追住我地!!跟住就搭纜車上去!!上到去d氣氛超好,周圍都會有d鬼無神神出來嚇你,我都被一隻鬼嚇到!!跟住本來想去玩(荒廢校園)同(海x船),但係太多人啦,玩唔到!!跟住我地去左玩彊屍同古村屋,不過要排好奈,不過都好才玩到!!當我地排緊古村時,個個招魂女神開show,所以一直排一直睇!!個個招魂女神show勁好睇,d燈光好靚!!到我地入去玩啦!!朱wing好搞笑,因為裹面有佢最驚既蟲蟲,佢猛係到大叫,笑死我!!!出到來,都10點幾啦,跟住我地就搭車走啦!!返到寶林差唔多12點,我同小白,肥婆華,豐豐去名x買野食!!好肚餓!!!(跟住今日何sir講如來佢都經過海洋公園.不過見唔到我地,我地都係!!)

大家好!!中秋節快樂!!!因為e個星期要趕工做哂個壁報,所以今日都要留低係到趕工!!何sir留低等埋我地太感動啦!!做到7點幾先走,好想同何sir仲有佢地影返張相,不過趕時間,要走,影唔到(最衰個死人經濟8婆)!!今次個壁報,係咁多年最鐘意既!!!超靚!!!做到7點到,差唔多做哂啦,差少少未做,不過都要返屋企!!我地幾個,同何sir一起放學!!去到地鐵站,何sir走先,我地幾個就買埋飛先走!!返到屋,食埋飯,11點到,就出左去搵小白同肥婆華!點知得我地三個,所以我地去小白樓下玩爉燭!!我地一路食月餅一路玩!跟住火山龍,太監,洋蔥佢地同豐豐都來左!我地玩到1點,就返左屋企啦!

              我最尊敬的"致遠號"!!

e個星期勁忙,日日都有好多測驗同功課!!所以今日先打返!!

記得個日,我啦,nami,千野,apple,肥蘇,小白,肥婆華,豐豐,小朱,葉志,番薯,田雞,火山龍,仲有個唔識,3點幾到出到大圍,租埋單車,我地就開始起行踩去大埔啦!!一直係咁踩,個感覺都好好,好涼!!但係點知下雨,我地停左陣,係街邊食下野,再踩過!!點知d雨下到超勁,我地又冇位停低,米唯有一直咁踩!!全身都濕哂,一路係到踩,我都唔係好睇到野!!小朱勁搞笑,猛係到炒車,笑死我!!!停雨啦!!我地踩到大埔啦,勁辛苦,不過都幾開心,但係全身濕哂!!還完車,我地去左名將食日本野!!今次忍唔住口,食左好多野,勁好食!!不過食左我$90!!睇來跟住來都要食飯盒......食到7點幾,我地就返左屋企啦!!!

補完地獄既英文,就係我最期待既打邊爐!!!係學校門口等埋阿sir同miss佢地,就一起出發!!去到酒樓,坐左一陣,番薯田雞佢地都來埋!!我個堆勁搞笑,因為有火山龍,朱wing,仲有何sir!!打到差唔多,我地周圍走,跟住何sir同我地一起玩飲野比賽!!贏左可以唔洗俾錢,朱wing贏左,不過冇人俾錢,何sir都係,笑死我!!跟住玩飲一大支汽水,連小白同肥婆華佢地都玩!!不過佢地都係輸左,肥雷同田雞贏左!!由我地班會主席,頒左$20俾肥雷同田雞!!玩完差唔多,我地就走啦!跟住我就小白,番薯佢地行返寶林!!(今日可以話係放學以來,最開心既一日!!仲係第一次同d阿sir玩到咁勁!!)