2006 年 8 月 1 日  星期二
拎書~
今日好happy啊~ 有書拎， 好正呀d 書~ 今朝同姚咩一齊番去， 返到去個時見度成班committee， 得阿head見度我， penny 好似見唔度我， then 就上左去拎書~ 我行c 梯上， 好似隱隱約約咁見度梁仲彥， 不過又好似唔係~ =o= 上度去見度超多人排緊， 不過我都係排到樓梯口姐，^ ^ 跟住李淋同soso 上左黎， 我就同佢地講話我好似見度梁仲彥佢係canteen， 問佢地見唔見度， soso 就話， 佢地上緊黎tim la~ 一望過去就即刻見度佢同"佢大佬"， 希望佢地冇聽度我講咩， 如果唔係．．．都幾瘀．．． 我排左超耐先拎度書， 仲搞到李淋要幫我去買書， 我叫佢壓價， 佢竟然同個個人講: " 陳芷茵係上面拎緊書， 佢差$ 5 ，可唔可以$25 呀 ( 佢本身諗住$ 30 賣比我 )" 咁個個人就肯啦， 好似有d衰tim， 講大話搏人地既同情心 =o= 一出hall， jenny 唔知叫邊個比左d el書我， 仲比埋d test paper 我， ( 你地要就問我拎啦 ^ ^ ) 仲要搞到全世界都知， 都真係幾咩．．． ( 連開緊會既committee 同唔關事既人都知 ) 走個時見度阿姨，佢問我駛唔駛幫我拎d， 費事麻煩阿姨， 我都係自己拎喇， 雖然超重，不過都係算喇~ 問埋yuki 駛唔駛等佢， 我就走左喇~ 落到去凱德樓， 真係比班committee 嚇死， 一落到去， penny 就勁大聲咁講: 芷茵! 記得上pro. 呀!! 今日下午上呀!!! 我就話知啦! 仲哦左一聲， 佢仲繼續講: 記得喇! 唔好遲到呀!!! 呢樣都唔係最大既問題， 問題係在於penny 已經講得好大聲， 跟住陳秀芳仲要將佢講過既每句說話重覆一次， 搞到好似有好多人都望住我=o= 好無奈 = ="" then 就執野啦， 還債啦， 之後就走喇~ 番到屋企就食飯飯， 食完就去野出去上pro. 今日教左點樣係有個人係將床上面既情況下換床舖， 其實好似唔係好難， 所以我一次都冇試過， 最好既就係唔考呢樣， 實習既野一樣都唔駛考， 我地既輔團長就係超級好人!!!! ^ ^ 上完就走喇~ ------------------------------------------ 2號~ 朝早陪左細佬番去佢學校度拎書， 今日係佢第一日番學， ( 佢今日要上堂 ) 番到去， 等左足足一粒鐘先有得拎書， 仲要椅都冇多張， 坐都冇得坐．．． 你地話幾過份!!! 之後佢地係個陰陽操場度早會， 子軒竟然嘔! 咁我就緊係行過去問下佢點啦! 點知個d死人老師， 都唔知點做野架， 佢地見度我細佬嘔都唔行過黎問佢咩事， 你話呀!!! 我點放心將我細佬交比佢地， 就算係普通人， 你冇啦啦見度有個人嘔， 你都會行過黎問下人地發生咩事啦， 更何況佢地係老師!!! 呢樣都味算最過份呀!! 咁我細佬嘔， 佢係唔係都應該理下我細佬啦， 我係過去某個女老師度， 就問: " 你係老師黎個何!? 我細佬嘔喎，你見唔度架!?" ( 我自問呢次係我有生以黎對老師講野最冇禮貌既一次) 個老師佢回答簡直令我萬分驚訝! " 哦 ~ 你細佬嘔呀?? 你搵個位著住黑色裙既老師啦! " 哇! 我真係比佢嚇死， 呢d咩老師黎架， 我就當佢真係睇唔度， 我話埋比佢聽喇， 我諗住佢會撲去我細佬度， 問下佢有冇事， 點知佢不但冇咁做， 仲要推卸責任，推完仲要繼續好留心咁聽個位阿伯講野， 你話呢個miss 幾過份!!!!! 之後我味去搵個個著住黑色裙既老師， 佢就即刻同我去睇下我細佬囉， 嘍住都冇咩既!!!!! 味又係椅都冇張囉!!!!!! 跟係子軒味又嘔多次囉!!!!!!!!!! 咁我就同個個一直係台上面講野既阿伯講， 話我細佬要早退， 我要帶佢番屋企!! 咁佢就叫我聽日交番張請假信囉~ then就排隊拎書， 我個時訂書， 個d人話要一次過訂曬， 唔可以訂d唔訂d， 但係我竟然見度有d 人可以唔訂字典， 超級過份囉， 子軒本字典同我個本一模一樣， 你話我好地地做咩要買兩本一樣既字典放係屋企， 嫌錢多咩! 之後就拎住d勁重既書番屋企， 總括黎講， 我對我細佬佢呢間學校係極度不滿!!!!! 老師態度差到痴線， 連揀書商呢d咁基本既野都做唔好!!!! 有冇搞錯!!!!! 你話我點放心將我細佬比佢地呢班咁既老師教!!!! 離曬大譜!!!!!!! 番到屋企就叫佢坐下訓下， then 咁上下時間度， 我就煮左個麵比佢食， ( 我都有食 =o= ) 之後佢又話冇咩， 咁我就陪左winnie 去買禮物喇~ 買完就番屋企~ 番到去on msn， 見度panda on， 我之前仲以為姚咩同我講笑， 原來panda真係有on， 佢大陸都幾勁， 有得打速成， 我大陸冇架 =o= ----------------------------------------------- 3號 ~ 冇野做， 係屋企度唔知做咩~ 總之就度過左無聊的一天啦~ --------------------------------------
[ 訪客留言(3) ] [ 編輯日誌 ] [ 分享至FACEBOOK ]

	2006 年 7 月 31 日  星期一
學琴 ~
今日去左學琴， 唉．．． d aural( 好似係咁串 ) 好似愈黎愈差， 都唔知點算， 仲有12日就考喇， 兩個禮拜都冇， 死緊喇 /_\ 你地話我點算好， 唉．．．． 今日學完琴， 諗住行過去圖書館個邊還書， 順便借書做中文既book report， 點知圖書館冇開， =o= 我唔記得今日係星期一， 失策，失策， 不過算啦， 放左落還書箱都係一樣姐， 不過就借唔度書囉．．．
[ 訪客留言(3) ] [ 編輯日誌 ] [ 分享至FACEBOOK ]

	2006 年 7 月 30 日  星期日
上ylt ~ 好好玩 ~ ^ ^
今日上左ylt， 即係青年領袖訓練課程( 初級 )， 超級好玩，^ ^ 我地有兩日day camp， 一日就係今日啦， 令一日就係8月13日， 好期待啊! 因為我地係屯門既某間中學度上， 所以我勁早起身， 我地幾個人係penny既安排下約左係tsuen wan 既 mtr station 度等， 有我啦，陳淑欣啦，姣思揚啦，劉家雄啦，仲有鄭文豪， 好早就到左， 但係因為肚餓， 所以去左買野食， 遲左2分鐘比姣思揚串我同陳淑欣， 遲左小小姐， 仲要我地只不過係佢地對面買野食! 鄭文豪都遲啦~ 我地落左去南豐下面既bus stop 度搭車， 上落到去就有車， 仲要搭得個十幾分鐘就到， 之後因為我地唔識路， 咁鄭文豪就叫左佢表弟落黎帶我地去個間學校， ( 好似係表弟，佢住係屯門 ) 無奈地，我地8:25 am 就到達左， 但係個course 係9:00 am開始，=o= 勁早就去到， 我地就無無聊聊咁做埋d好無聊既野．．． 開始個時，我地出左去個playground度for in， 好熱，個個人仲要係度鬧人， 因為有人著紅y冇攝3， 好彩我有姐 ^ ^ 第一個熱身遊戲都幾好玩， 不過我一開始個時唔係好識， 但係唔mind啦 ~ 至於點玩， 想知就問我啦~ 之後冇啦啦落雨， 咁我地就上左去四樓度玩， d games 都幾好玩架~ 之後做左個自信心訓練， 一人抽一張紙， then 就跟住個張紙既內容做一分鐘既show， drama 又得， talk show 都得， 幾乎所有人都係揀talk show， easy 阿嗎 ~ 我個張紙就勁喇， 紅十字會會章， 真係估都估唔度， 點講!?但係冇辦法， 個個都要講， 我講左d 勁白痴既野， 內容大致上係咁樣既: "呢個係紅十字會既會章， 咁我係香港紅十字會，青年及義工事務部， 青年團第九十八團既會員~ ( 講呢句野既目的係拖延時間) 咁紅十字會呢，就有好多唔同既活動啦， 有好多course上，first aid 啦，health check啦，nurising啦， (仲之我就講左好幾個) ， 最好玩既都係步操， 而且我地仲可以將我地學到既野學而致用， 所以紅十字會的確係一個好值得我地參加既一個制服團體~" 就係咁樣我就講左1分鐘， 瘀到痴線，=o= 玩完呢個之後， 我地就玩左個叫做"總指揮"既野， 就係兩個人一組， 分組帶遊戲， 個個遊戲都好好玩， 我帶既個個都唔錯， 佢地都玩得好投入， 不過最好玩個個都係劉思揚同鄭文豪帶既個個， 玩到我地痴曬~ ^ ^ 之後就出去食lunch， 因為玩個總指揮玩到痴左， 唔記得要食飯， 結果扣埋我地來回間學校既時間， 我地本身都應該有30分鐘食既， 點知， 大家樂d服務差到， 我地等左成10分鐘， 遲過我買而又同我食同一個餐既人， 竟然快過我有得食， 搞到我得番10分鐘食!!!!! 鬼死咁急， 最憎食大家樂， 唔係冇其他野食， 我先唔黎大家樂!!!!! 食完就趕返去， 點完名，鬧完人之後， 又上番去玩喇~ ^ ^ 之後玩以鵝傳鵝， 好難玩， 第一round要傳既內容係勁唔知點咁， 總之就係類似呢d: 檸密少甜多檸檬，奶茶多糖少奶．．．． ( 都係呢d 咁既野，有六杯 ) 仲有咩芝士繪肉醬意粉， 肥魚雞粒xxxx飯， 仲有一個我就真係唔記得啦， 好變態! 之後另外個個就擺明係玩野既: 「唔知係咪．．．我唔係好記得．．． 好似．．．應該係．．． 其實有兩個人 ．．． 仲有四個朋友．．． 其他個ｄ．．． 我唔係好記得喇， 總之就有四個人啦！」 你地話傳呢段野係咪玩野! 阿毛擺明就係玩我地! then 就玩有口難言， 佢地做d 野都幾易， 我地都win左 ~ 因為我地成組都有人係是但一個game入而輸過， 所以．．．我地要接受阿毛既大懲罰， 阿毛既大懲罰並唔係一般既懲罰， 有d好恐怖既， 我可能都有同你地講過， 有一個都幾恐怖既， 佢叫人伸隻腳落廁所度， 之後沖廁， 有片為證， 變態! 不過好彩，因為我地成組既每個人都輸左， 所以個大懲罰都幾easy， 就係一個一個搭膊頭， 好似火車咁， 之後係課室出面既走廊度大大聲唱歌， ( 其他組係曬隔離d課室度 ) 我地係唱: 「我是茶壺肥又x，這是壺柄這是嘴．．．．」 好白痴，不過我地唱得好開心，=o= 其實都真係幾好玩， then 就落左去hall度聽下次day camp 既briefing， 之後傾左一陣就走喇 ~ 其實都唔係一陣， 因為我地係最遲走既個組， 之後我地鄭文豪，劉思揚，陳淑欣，仲有小甘 就一齊搭車番tsuen wan， 順便傾下下次既野， 我地搵左半個鐘先搵到個站， 其間不斷聽劉思揚講佢自己d野， 其實佢都真係幾勁， 同采樺一樣， 十項全能， 不過佢就慘d， 因為好多佢自己都唔鍾意， 係被迫要學既， poor~ 番到去tsuen wan， 去左m記度傾野， 話就話傾野， 其實都係係度傾埋d無聊野， 係度講廢話，=o= 傾左一陣，食左個ice cream就走喇 ~ 就係咁樣， 我既一日又完左 ~ =o=
[ 訪客留言(3) ] [ 編輯日誌 ] [ 分享至FACEBOOK ]

	2006 年 7 月 29 日  星期六
買禮物~
今日約左李淋去買禮物， 本身仲約左通渠佬架， 不過佢唔得閒， 所以我地8月2日再去過， 但係我今日真係好悶， so 就叫淋花婆陪我喇 ~ ^ ^ 個隻淋花婆， 又話唔會遲到， 仲話遲左每秒兩蚊， 結果佢遲左3分鐘， 即係$360啦， 點知呀， 你地都估度架啦， 佢唔認數，又話佢早左成十分鐘就到左， 不過搵唔度麥當當喎， 佢都唔想個喎~ 我地係m記度食lunch， 之後就去buy禮物， 但係買左d咩同買比邊個呢， 唔講得! ^ ^ 以你地身為陳芷茵朋友既身份， 我相信你地咁聰明， 一定估度既 ~ 當然，李淋除外， 因為．．．． 算，都係唔好講咁白， 不過好可惜， 雖然佢唔會估度， 但係因為佢係同我一齊買既， 所以佢知．．．=o= 禮物呢，我就買曬喇， 淋花婆效率咁慢， 就緊係味買完啦~ so我地8月2日再同埋winnie一齊去buy喇~
[ 訪客留言(3) ] [ 編輯日誌 ] [ 分享至FACEBOOK ]

	2006 年 7 月 25 日  星期二
嘔心 ~
25號 ~ 今日上左ybhe， 中文係．．． 我唔係好記得， 不過總之個course 就係關於愛滋病既， 個阿sir 講左同教左d 都幾變態既野， 如果你地有興趣既話， 可以叫我話比你地知， 因為實在太嘔心喇， 我打唔出．．． 上左成日ybhe 之後，就返左屋企， 返到去勁累， 但係都係要練琴， 唔可以偷懶， 肥左就慘喇~ ----------------------------- 26號 ~ 唉．．．． 琴晚訓得唔好， 訓下又醒， 訓下又醒， 好似冇訓過咁， 本身要返sp， 點知對眼勁腫， 好恐怖， 有生以黎最恐怖既一次， 都唔知搞咩， 結果訓到成兩點幾， 對眼先冇咁腫 =o= ------------------------ 27號 ~ 對眼已經冇咁腫lor~ 又係好late先起身， 4點幾就去左上hc， 正確d 黎講係去考hc， 即係health check， 好簡單， 20題是非題， 幼稚園程度， 你有常識既話就冇可能會肥， 但係我竟然錯左一題， 唉，我對自己太失望喇!!!! 竟然因為睇漏字所以錯左個題， 激死我!!!! 算!!!! 不過我今日知道左一個good news， 就係我first aid ．．．． pass 左喇!!!!! ^ ^ 要多謝ka e 幫我地練呀! ^ ^ ( 唔知ka e 對串，所以咁打 =o=) ps. ka e 係我地yu98既青年團訓練員 ~ ---------------------------------- 28號 ~ 上nursing 「 pro. 」， 好開心， 感覺有d特別， 唔知點解， 可能因為我地有6個位， 兩個f.1 ，兩個f.2，兩個f.3， 而我就係其中一個f.1喇 ~ 仲要咁岩隔離房係度上nursing， 感覺好特別~ 係人地仲上緊nurising 既時候， 我已經上緊pro. 喇 ~ ^ ^ good ~
[ 訪客留言(1) ] [ 編輯日誌 ] [ 分享至FACEBOOK ]

« | 1 | 2 | 3 | 4 | 5 | 6 | 7 | 8 | 9 | 10 | ... | 15 | »