2006 年 7 月 22 日  星期六
書展~ ^ ^
本身諗住今日去book 琴， 不過琴晚冇啦啦想今日去書展喇~ 其實阿爸話過星期日陪我去架， 但係我同細佬都要學琴， 加上我地買左個新櫃， 要執好d野， 都冇時間， 但係阿媽又話聽日要去住筲基灣個舅母個度， 但係我又唔想去喎， 咁所以我就決定去書展喇~ 一早就同姚咩一齊搭車去葵興度「等」panda， 不過最後就變成佢等我地， 其實我地個大話都幾真架， 不過有小小不合常理姐~ 之後就搭mtr 去灣仔會展， 唔係好多人，比我想像中小好多， 行左一陣就到， 途中，姚咩問左好多條iq題， 我答岩左好多題架， 不過有d唔知點解諗極都諗唔度， 有一條超搞笑， 紙巾公司同熊貓公司，仲有姚匯文呢個人， ^ ^ 我地去左好多個攤位， 我係商務個個度買左兩張郵票同一個首日封， 又係突破同青桐社度各買左一本書， 仲有係d大陸出版社度買左幾本書， total 就買左 6本書、兩張郵票同一個首日封， 佢地兩個就一人買左兩本書~ 行到我隻腳就黎跛， 都痴線架!! 跟住好肚餓， 諗住買d野食， 點知d野鬼死咁貴， 一個熱狗都要$16， 貴到死!! 之後仲要行左成45分鐘先出左會展， 仲要再行多15分鐘先到麥當當~ 麥當當好多人呀!! 不過我地等左一陣就有位喇， 都好快就買度野食， 我買左一個餐同埋一個飽， 因為我個時真係好肚餓， 點知食完個餐就超飽， 不過我都係要食埋個飽， 飽死我!! 之後call左阿淋， 問佢出唔出旺角行街， 約左佢3:30係mtr station 度等~ 因為我地知道佢一定會遲到， so 我地周圍行， 總之就諗辦法拖延時間， 入左mtr station之後， 我地走左去研究地圖， 好白痴， 不過最後都入左閳， 不過因為李淋連車都味上， so 我地等d車走， 死都唔上車， 等到第四架先上 =o= 之後我就係旺角個站度落車， 同佢地講byebye喇~ 結果．．．． 我諗大家都知喇~ 遲到大王就緊係好大牌咁遲到啦 ~ 人地遲到大曬既! 3:50 先出現， 仲要賴d樣賴個樣， 話冇車喎， 我信你~ 我最信就係李淋架喇， 係咪呀李淋?? 行到差唔多6點度， 我就起行去舅母屋企， 同李淋say byebye喇~ 到左表弟屋企之後， 竟然比我發現我唔記得去一個書攤， 激死我喇!!!!! 太可惡喇!!!!!! 我出年一定要去呀!! ------------------------------------- 23號~ 成家人都係屋企度執屋， 執左成日， 累到我痴線， 下午就去左學琴， 之後就去book 琴~ 點知竟然冇開門， 真係難以致信， 竟然有琴行星期日唔開門! 算啦， 咁聽日先交囉~ --------------------------- 24號 ~ 一早就去左考fire p ， 簡單到痴線， 冇難度 ^ ^ 考完就去左 tsuen wan 既mtr station， 因為我今日約左我以前既鋼琴老師食飯， 我每次作文， 要作最尊敬的長輩、最敬愛的師長， 我都一定作林老師， 林老師真係好錫我架， 又好人喎~ 佢帶左我去元綠度食， 佢叫我叫野食， 搞到我都唔知點咁， 所以最近都係佢叫~ 我地傾左好多野呀~ 好開心，太耐冇見林老師， 佢之前因為要學野， 所以唔教琴喇， 咁我就轉左另一個miss， 但係坦白講， 而家個個miss 係教得好d既~ 食完之後， 佢有事做， 就走左， 我就去左個間琴行度交錢， 唉．．． 好貴呀!!! $170 先得個半個鐘， 唔book 又唔係幾好， 冇錢喇我， 變左做窮光蛋， 仲要欠人周身債， 真係．．．． ------------------------------ 一次過打左咁多日， 手軟喇~
[ 訪客留言(2) ] [ 編輯日誌 ] [ 分享至FACEBOOK ]

	2006 年 7 月 18 日  星期二
要連續打幾日．．．
18號~ 朝早去左學琴， 都學得唔錯既~ 之後好似係約左winnie 買禮物比yuki， 約左佢係crazy room 度等， 佢竟然同我玩捉衣恩， 仲細咩， 竟然以為我見唔度佢， 我緊係見度佢啦， 仲要超級大聲咁叫: 「粉紅色怪物，你同我企係度! 」 ( 因為佢個日著粉紅色3 ^ ^ ) 之後去左南豐個度行~ 行到咁上下就搭mtr 去左大窩口上nursing pro.， winnie 就直接番青衣~ 去到總部個時， 一個人都冇， 除左陳淑欣， 超級恐怖．．． 後尾kitty 話，( 總部既kitty) 今日個堂取消左， 激死我地， 我要殺死penny呀!!! 竟然唔話比我地兩個知個堂取消左!!!! 之後就返左屋企， 仲要比阿媽問， 咁早返黎既， 真係超級無奈．．． ------------------------------------- 19號~ 好似係乜都冇做， 全日都係屋企， 睇左好多集既惡作劇之吻， 好好睇 ^ ^ 仲有， 要同yuki say sorry， 因為我唔記得同佢講生日快樂， " yuki 生日快樂， 祝你永遠都開開心心! ^ ^ " 成日都超級悶， 好彩有惡作劇之吻陪我~ ---------------------------------- 20號 ~ 琴日成日冇出街， 今日上health check ， 好古怪， 一出屋企門口就覺得怪怪地~ =o= 今堂講左小小野之後再開始考量血壓， 因為陳淑欣既血壓實在太好聽， 所以我就一tick 過， 一次就搞掂左~ 不過可能我既血壓真係好難聽， 搞到佢聽左好多次都聽唔度， 不過Fion 叫佢唔好緊張， 下堂再聽過~ 加油呀!!! ------------------------------ 21號 ~ 一早就出左去學琴， 講aural ( 好似串錯字 )既野， 都唔係好難姐~ 加油!!! 老師仲講左樣野， 原因我個日係電話聽錯野， 我唔係8月16日考， 係8月12日， /_\ 姚咩生日個日 唉．．． 死都臨頭喇! 點算?? 練多d囉，陳芷茵大懶蟲!!! -------------------------------------
[ 訪客留言(0) ] [ 編輯日誌 ] [ 分享至FACEBOOK ]

	2006 年 7 月 16 日  星期日
宣誓~ ^ ^
今日宣誓呀!!! 好開心 ^ ^ 一早，陳淑欣就黎左， 佢本身話7:30到， 結果遲左10分鐘， 同李淋隻野一樣， 都係遲到大王! 搞到我地整唔切，( 因為d 材料係曬佢度 ) 好彩我一早同penny講左， 我地有權遲到~ 哈哈 ~ 整到8:30先走， 因為既然我地有權遲到， 就緊係慢慢黎啦~ ^ ^ 我地整左兩盆波蘿腸， 一人拎一盆， 我地一路行， 陳淑欣個盆就一路漏汁， 搞到佢對鞋好閃， 仲係度話落波蘿雨， 笑死我~ 跟住因為佢個個bag 會漏汁， so 我就拎曬兩盆， 咁我地唔想行咁遠， 其實係我唔想 =o= 所以就係光輝圍度落左車， 轉31M 上學校， 一落車就有車， 仲要咁岩見度靖雯佢地兩個~ 之後一齊番學校喇~ 留到去， 個隻姣思揚竟然冇話我地幾個遲大到，( 我地遲左半個鐘 ) 仲要話我地幫手整野食，好偉大， 幾唔正常~ 之後就係咁採排， lunch 就被迫要食 麥當當~ 等左n 年之後就終於開始宣誓喇， 我上台個時， 激死我， 我同彭漢杰& 馮迎臨一齊行， 馮迎臨負責叫command， 佢都味叫， 彭漢杰就自己行左去， 搞到我地兩個跟唔度， 好ugly 又超級瘀， 激死我地兩個!!!! 一落台，penny 就幫我帶左宣誓章， 唔該penny~ ^ ^ 真係好開心呀!!! 終於宣完誓lor~ ------------------------------------- 17號~ 今日朝早本身要上防火， 下午就要去參觀消防局， 不過我今朝走堂， 冇去上朝早個堂， 係屋企訓左成個朝頭早， 仲要比阿媽鬧我淨係識得訓 =o= 下午就去左參觀消防局， 消防局勁多蚊， 咬到我就黎痴線， 消防員個套3真係超級重， 又熱，都唔知佢地點著， 所以話呢，消防員係好偉大既~ 其實參觀消防局都幾好玩既~ 走個時， 陳淑欣叫我陪佢去麥當當度buy 開心樂園餐， 佢話要將個玩具送比佢表妹喎， 真係睇唔出原來佢都幾好人， 最起碼佢好錫佢表妹~
[ 訪客留言(0) ] [ 編輯日誌 ] [ 分享至FACEBOOK ]

	2006 年 7 月 15 日  星期六
又sell 書 =o=""""""""
一早就去左總部度上防火， 雖然好早，但係我都遲到， 仲要比個保祿既女仔點， 入錯房， 痴線架!!! 入到去竟然係度講生命表徵!! 其實我都覺得好怪架喇!! 冇啦啦講咩生命表徵喎， 呢個防火course 黎個喎! 之後仲要講哽塞，咁擺明就係first aid 啦!!! 跟住我就問個阿sir， " 阿sir，我想問呢班係味first aid呀??" 佢答我係， 跟住就瘀爆咁同個女仔一齊 "講唔好意思，我地入左房 =o=" 超級無奈!!! 我前前後後總共花左5分鐘， 結果，我遲到．．．． 黑仔．．．． 跟住岩岩開始， 陳淑欣call我，同我講佢塞緊車， 跟住個阿sir就問我地團係咪有人味到， 問我知唔知佢幾時黎， 我諗住話佢塞車啦， 點知一出聲就走音， 差d講唔度tim， 咳左兩聲之後就好辛苦咁講左塞車兩隻字， 你地話我係咪好黑．．．．　＝ｏ＝ 個阿sir教到超悶， 我係red cross 上過咁多個course， 呢個阿sir 係最靚仔，最young既個個， 但同時，佢亦都係最悶既一個， 我每隔兩分鐘就有訓教既念頭， 你話佢幾失敗．．． 之後1:15 度， 走得， 同左陳淑欣一齊去買聽日宣誓整野食既材料， 點知間百佳賣到鬼死咁貴， 佢就話佢去買， 跟住就買左d sushi ， 諗住當lunch啦~ 點知買完之後唔知去邊度食好， 我記得panda 最底個層有個類似food count 既物體， 就同佢落左去， 點知個度冇啦啦封左 =o= 個時我見度條樓梯， 我就話不如坐係樓梯度食， 因為條樓梯附近冇咩人， 亦都冇人行， 點知陳淑欣講左佢史上最好笑既一句野， " 我唔想係樓梯食呀!! 通常吸毒先會係樓梯食架!!!    我唔想比人以為我地係度吸毒呀!!" 跟住一路行， 我就一路問佢不如去返樓梯度食， 佢就係咁話佢唔想吸毒， 笑死我! 最後就去左麥當勞， 我地一人買左杯ice- cream， 諗住擺係度大d 職員， 點知我地一打開盒sushi， 就有個女仔係度講， " 點解有人係度食sushi 既 ??" 好無奈，都唔知點好， 我地照食， 我地超快咁食完~ 食完就出左去等車， 等唔夠2分鐘， 唔知係panda 打黎，定係我打比佢， 總之佢就話我有排先等到車， 因為我等緊一架經新都會， 但係總站係去長沙環既車， 佢一講完就有車， 佢仲要唔信我話有車， 因為真係一講就有， 個時佢好似都仲味出門口 =o= 我地等齊人，( 我、panda 同姚咩 ) 就過左去將我地d書賤賣， 我賣左 雜果樹 + is x2 + LE 1a 先得 $ 40， 你地話係咪名副其實既賤賣， 賣個個人仲要同我講， 冇人會比佢出得更高價， 不過算!! 我留書都冇咩用， 賣就賣， 不過佢地兩個就．．．． 死都唔肯將本書賤賣， 結果．．． 姚咩好似係一本都冇賣到， panda 以 $ 35 高價賣出兩本中文 =o= 跟住就懷住無奈既心情返屋企喇~ = ="""
[ 訪客留言(10) ] [ 編輯日誌 ] [ 分享至FACEBOOK ]

	2006 年 7 月 14 日  星期五
超級開心!!!! 今年最開心既一日!!!!!!
今日一早就番左去學校， 目的係 ．．．． 採排星期日既宣誓， 學左一首手語， 即係一路唱歌一路做手語， 我地唱既呢就係童話， 你地想唔想學呀?? 真係好好玩架! ^ ^ 差唔多十二點就放左， 一放，電話就係咁響， 仲要有六個未接電話， 兩個係so 既， 四個係panda既 =o= 之後就不斷聽電話， 仲叫左李淋係商場等我， 結果!!!! 佢又再次遲到!!!!!! 次次都係咁， 我要在此宣佈， 李淋係遲到大王!!!!! 之後就等左十幾分鐘，( 落左商場先開始計架! ) 遲到大王就出現喇!!!!! 之後就同佢一齊去左soso 屋企， 換完3就走lor．．． ( 我個日要著u 番學 ) 等左好耐車， 上車過左一陣就到左lor~ 勁快， 係屋企就應該要好耐， 到左天橋就見度有cake 買， 好開心，因為我地琴晚擔心左成晚， 好驚呢度冇cake 買 == 好彩有姐~ 之後就去左搵「欣」姐 ，( 我唔識打個欣字 = =") 點知搵唔度， 咁我就上去溜冰先， 因為佢地話唔去， 未買禮物，仲話順便等埋欣姐~ 我一入到去， 拎完對鞋， 著緊個時采樺就走左出黎， 教我著，話一定要著緊d喎， 之後諗住行出去， 隻腳都味踏出去， 就去度winnie 跌低左， 嚇死我!! 好彩有采樺係度， 學yuki講，采樺真係十項全能， 咩都識，如果我有佢一半就好喇~ 我仲記得我only 玩過一次， 仲要係p.4 個時， n年前，咩都唔記得曬， 個時我跌過兩次， 好恐怖，不過少人， 今日就真係好多人喇! 後尾冇啦啦有人擺左d 筒係度， 唔比人過， 搞到我企左好耐， 唔敢過，主要原因係因為我之前睇住winnie 跌， 不過等左一陣， 佢地就開番比我地過， 好彩姐! ^ ^ 之後玩玩下都大膽左， 愈玩愈快， 其實溜冰真係幾好玩， 下次就玩過~ 係溜冰既其間， 我地點左首歌比yuki聽， 點知有部燨係度整d冰， 嘈住曬， 搞到yuki聽唔度， 白費左我地既心機，但係佢都聽度小小既~ 仲有呀!!! 個個通渠佬因為跌過一次， 所以有陰影， 結果我就拖住佢行， 我地連續四次差d跌親， 好彩最後都冇事， 主要原因係因為陳芷茵平衡力好， 所以就冇事， 但係我隻手就親係有事喇!!! 比佢係咁揑， 差d就斷， 痛左成兩日，痴線架!! then我地玩多一陣就走左喇~ 我地一早就衝左出去， 留低左yuki同joanne， 我地去完food court ， panda同姚咩就番轉頭， 接yuki同joanne番黎， 佢地一黎， 我地就數一二三唱生日歌， 場面都幾感人， yuki都真係幾驚訝同感動， 好開心， 跟住就送禮物， 唔知yuki like唔like我份禮物呢?? ^ ^ 我地之後就去左影貼紙相， 影得好變態， 成十個人一齊影， 仲有呀!!! 個部機都有問題既!!! 冇啦啦係後面係咁跌d布落黎， 想嚇死人咩!!! 之後我地狂影貼紙相， 係咁係度笑， 跟住我地又唔識用部機喎， 搞到個張我地伸曬腳既相冇左， 好可惜tim~ 之後就call 返屋企， 問媽咪可唔可以食埋飯先番， 點知失敗左， panda 講得最大聲， 搞到我番到屋企阿媽問我邊個講野咁大聲， 又話佢唔應該咁講野， 笑死我~ 影完相就去左搵車搭， 我地係咁比d途人點黎點去， 行左好耐， 仲要係對面馬路見度panda等車~ = =" 一去度車站就睇住一架full左既車走， 激死我地!!! 之後winnie 同采樺就有車， 上車之後仲要特登call我地， 係度曬話架車有幾涼，有幾舒服!! then 過左一陣，我地都有車喇!!! 但係坐最後，熱到痴線!!! 番到美景個時，panda 仲要打黎話我知， 佢已經係屋企樓下， 太過份喇!!! 一個二個都打黎曬!!!! 番到去就去左好近既seven度買野飲， 仲要倒左一杯水番黎， 跟住好無奈咁問佢， 點解d檸檬茶會變左水， 佢就叫我倒左佢， 真係超級無奈 =o= 番到屋企個時， 超級涼，好舒服， 都係屋企最好!!!! ^ ^
[ 訪客留言(4) ] [ 編輯日誌 ] [ 分享至FACEBOOK ]

« | 1 | 2 | 3 | 4 | 5 | 6 | 7 | 8 | 9 | 10 | ... | 15 | »