財散人安樂.

明天開始又要著起西裝上班.

我發覺上年同今年係一個連接.好似好多野個天係整定.

佳因我知道黎緊日子真係好辛苦. 一日用$1000既生活已經係過去式.

我對唔住自己.

過去呢既一個星期.

我完全係放開懷抱去玩.

我都係希望自己過得開心.

更加完全睇會地方與地方之間既差別.知道生活在香港係好辛福.

繼續我既故事先.

係今年6月中.我的公司正式建立.

辛辛苦苦搵到第一個客人. 這位客人非常之好. 注重產品而非注重價錢.

開頭我既產品為中價錢.慢慢地個客人也接受我們的產品.於是係8月中.

我同拍擋相討之後.決定提高價格.相對地客人也接受我們.

過去呢幾個星期差唔多去到人生谷底.

但自己既苦有邊個知?走去同朋友講?同家人講? 講完結果都係一樣.冇人幫到自己.

上兩個星期我肯認耐就唔會搞到今日既結果.

好與壞自己先知.

明白一點 ; 人生就係一場遊戲.當你想去爆機果時佢偏偏要你再玩過.永無止境.

而我現在都明白到,單身既我係非常合適.拍拖只會令到另一半更苦.

無無聊聊想玩下BLOG.

其實開BLOG都係想寫D野比自己睇.同埋對自己既所經歷寫係到.

而家既我就似一個前路茫茫.未行已經諗到30歲自己會做緊咩.

人大自然經歷既野就愈多.而最大問題係走唔甩一個字---錢.

唔知係自己好運定係其它啦..我搵既錢係比較易搵.但人始終唔識珍惜.搵得易;駛又駛得易.

快來快往.

講返上年發生既事.一年前既今日;當時既我總係做SALES.個個月搵$8000.係G2000做SALE ASST.

之後10月3日就RESIGN.係RESIGN之前識左個老闆.都係幫下佢搵錢.

RESIGN完就幫老闆手.其實唔算得咩工;只係互惠互利. 搵既錢係比做SALES多.不過都係自顧形式.

可以既話一個月可搵到$40,000 ; 可惜錢邊有搵得晒....高峰時一日$1500,低迷期一星期冇錢返.

至於我自己當然幫得老闆搵錢都要幫下自己搵.順順利利上年既10月搵左80,000元正.20歲搵到呢個數可以話好多.

好多人...例如好似而家睇緊呢偏野既你都覺得好吹水...吹水又好真又好.我自己先會知....如果吹水我又何必打出黎比返自己睇?

好景不常 - 一場金融風暴令我上得快跌得更痛.. 一個月50,000 CASH變為負數.大家唔好認為我係玩股.只係呢場風暴間接性影響我.