最後一天假期 ---茶餘飯後大小事                                                   2008 年 11 月 30 日  星期日       我既假期行程好豐富啊，於是係飛快既情形下， 我既假期已經尾聲，聽日就要返工喇 星期5果日整左JELLY 糖去小組聚會，第一次去， 我地仲交換左寫左聖經經文既卡仔TIM~ 如果有時間其實都想去多D 尤其D雞翼真係好好好好食，哈哈!   星期六就同左呀雪行街，然後就同舊同事去唱K， 原來RED BOX真係"好多野食"囉，不過D歌就真係新好多好多!!! 我地5個人唱~竟然有4個都係新公司既同事， 舊同事都變成而家既同事呢!!!! MARTAIN女朋友好NICE啊~下次我地要再約過啊!!!   而今日呢，我返左教會，因為今日係小朋友開生日PARTY， 於是我D JELLY糖再受賞識呀^^ 其實鍾意整野食個原因都係咁，整左出黎人地食得好開心，個感覺真係好滿足!!!! 然後返屋企抖左一陣就去左睇"証人" 好正常既警匪片，入場唔會好悶囉~~但都唔會有特別驚喜!!!哈哈~   聽日就返工喇，會唔會唔慣呢﹖ 同埋我究竟係會睇第1定第3之戰呢﹖