昨天連上不來，今天就讓我解釋一下何解我的MSN個人訊息會寫著︰「哈，原來受屈辱的感覺是這樣啊……第一天就連續三次……」

話說昨天第一小息的數學堂，阿SIR無意中問左一句︰「係WO，你地邊個去跑環校跑？」

我微微舉起手，但好快又收返黎，誰料被阿SIR見到……

佢講左一句︰「你地冇野啊？叫穎恩去跑？」    ((打到呢到，我開始落淚……

唔知道有冇人見到那一刻我錯愕同憤怒既表情呢……？

阿SIR已經係第二次如此傷我了，第一次個時，佢問︰「你地既班會主席係邊個？」

「林穎恩囉﹗」無須我回答，自然有人幫我叫我個名出黎……

但係，阿SIR咁樣回左一句︰「唔怪得你地無淡好食啦……」

好傷，真係好傷……

我係第一次比人咁樣話，我個陣係到諗，我得罪左你D咩，我回溯開學到而家，我數學成績一直排係五名內，有次失手第七……

我好想回佢一句︰「你咁講係咩意思？」但我冇，我完全冇咁既勇氣……

以上插曲唔知各位2B班同學有冇聽到呢？不過我一開始寧願你地聽唔到，但係直到琴晚，連續三個人傷我，我發現自己無法再忍……

第二次係開跑之前個幾分鐘……

「林穎恩，你跑既話，我地個班一定輸﹗我跑到快過你呢﹗」有位男同學咁樣同我講……再一次傷

個剎那，我諗……你係用激將法激我定係打從心的恥笑？

無可否認，連續兩次既打激，我質問自己，我是否有能力去跑……自己既答案係……是的，我……沒有……

當要報名個時，我沉默到點名地寫名坐下來，如同趕鴨子上架，我已經無法退出……

看到別班班主任此起彼落的鼓勵聲，再看到我班兩正副班主任毫不在意的臉色，不知為何，我感到一陣安心

無意識看去左邊，以我所記得係2c班既第一棒，佢見到我，對我笑左一笑，當時我認為係友好既意思，但開跑後，我發現，我錯了……

五個人一齊跑，難免碰撞，對我笑個個人，同右邊個個人夾住左我，我落後，相信大家都見到我遲滯了

到車場邊，我知道無法超前，只好拼命和對我笑者同身位，直到花園個到，我先搶到位上前一名

交棒後，我喘息著，想到前後兩打擊我的人的說話，我不自覺說出一句︰「我真係不自量力啊……」

微微笑著，我恥笑起自己……

歸位到2B既位置，謝同學貼心給我一包紙包果汁，看樣子，是MISS梁出錢買的﹗

我稍稍嘲笑自己，班主任沒有沒理會我地啊﹗

之後，MISS梁既一句︰「林穎恩，不用不好意思，大家都見到有人MARK住左你，你完全跑唔到，但係你都拎到第四，很好﹗」

知道嗎？當時我僵硬了，不久轉身離去，我……無法以主席身份站在2B班位置到，不過，待我整理好情緒，我再一次咁回到去﹗

第三﹗我地拎左第三﹗

我自責……非常自責﹗

當副主席跑完返黎，需要別人攙扶地回來，我幾乎抓狂了，我覺到係自己害左佢﹗

我拎起書包，接過同學遞黎既外套，我即刻跑上去二樓﹗痛苦地抱著外套，不管因短衫短褲，冷風吹黎的寒冷……

當時二樓得幾個人，大家都落去地下觀賽，一個人的時候，自然會胡思亂想，甚至，我想到轉校﹗

可，MISS洪拉我回來……

「咦？VIVIAN，點解仲未走既？」

「因為……我要踢毽。」

「哦……咁小心唔好冷親啊﹗」

看著佢離開的身影，我眼睛幾乎發紅……

但係，直到司SIR見到我，要我放低書包去搵郭SIR拎毽，我見到某1C同學，佢帶黎既消息，令我再一次回到深淵––

「林穎恩﹗XXX(對我笑個個人)話你打左佢一肘……你……冇咁做呀？」

疑問的眼神，令我差點咆哮，我強行壓下衝動的舉動……

「我打佢一肘？你知道我唔係咁既人黎架？」

「唔知啊，佢而家哮喘，係到申緊﹗」

我冷冷一笑，冷笑令傷心的情感壓下，我就是如此掩飾真實情感。

別班人對我有誤會，唔緊要，我唔會介意，但，我好驚身邊既同學會同我翻臉……真的……

踢毽個時，郭SIR同我講左好耐野，因為黎踢毽得我一個，隔離係司SIR同個中一同學打波……

「林穎恩，講真啊，如果你想去讀HONG KONG U ，我會建議你去轉校，好似1C女班長咁……唔好留戀……﹗」

我深思沉默，郭SIR的話令已經熄滅的慾望重新點起……不過，我會唔捨得，留戀？我一定係會架。

回家回憶當天發生的事，我抱著枕頭，當晚就一陣啜泣，父母沒有看見，媽見到既話，我一定會忍唔佳和盤托出，那時，我不想轉校也要轉了……

「哈，原來受屈辱的感覺是這樣啊……第一天就連續嘗試了三次……」