琴日唔得閒打日記，宜家略略講返發生過D咩啦！

琴日姑姐佢地黎左，因為細姑姐&我都係就黎生日，所以就黎我屋企慶祝喇！

其實e個生日會係為細姑姐慶祝多D，因為我生日o既正日去食壽司，本身諗住請D同學去，

但媽咪唔俾，so算喇！

宜家就講返今日o既事啦！

今日9:00醒，之後就溫補習社要默D野，

之後12:00食左晏之後，就約左黎嘉穎1:00係OK等，因為返小學探老師，

1:15到小學，之後D校工話D老師上緊堂，要我地等到3:30至入得去，

我地就一路等，等到多D小學同學黎之後，我地就話我地十幾個人企係到，

俾我地入啦！但都係唔得，我地等到果個校工走上二樓，我地就叫妹姐打電話上圖書館俾曾老師，

之後曾老師話俾我地上圖書館，我地就好靜咁上去啦，

上到圖書館就得個坐，之後就同超超公主玩左一陣，跟住就係咁係道等，

終於等到佢地放學，我地就落二樓搵Miss Wong，Miss Wong一見到超超公主同陳國堯，就玩佢地.............

之後夜晚落左去同石家欣、黎嘉穎&馮淑君打羽毛球(8:30-10:30)，之後撞到聖文德小學果班人，

之後就同佢地一齊打波啦！好好玩！！唔打啦！

                                                                                           4月18日              晴                 11:43p.m.

今日9:00起身，食完早餐之後就出門口去大尾督燒烤，

之後去荷里活搭74x去大埔，之後再轉車(75k)去到龍尾，

表哥佢地晨早就去左霸爐，so一去到就有得燒，

我一黎就燒左1條腸仔&2粒魚旦，之後就係咁燒雞翅，

之後1：30就去左玩放風爭&踩單車，重撞到曾紫穎，

同佢HiHi就走左，之後就返去食左陣野，一齊去堤壩踩單車，

玩到5:30就走左，7:00返到屋企，今日表哥黎住，

睇電視，唔打喇！

                                                                                                      4月16日          晴        8:56p.m.

今日１０：３０至醒，之後食早餐食到好飽，ｓｏ冇食晏，

之後就睇電視＆做功課（冇出街！！），成日流鼻水，

呀哥又係喎，ｓｏ呀哥去睇，我就唔洗，ｂｕｔ就要食藥丸，

Ｄ流鼻水藥丸話食左會昏睡，食左落去之後，隔左一個字，就開始想訓，

Ｄ藥丸真係犀利，之後就走去訓教（５：３０－７：００），唔做功課住，

之後７：００媽咪叫我起身食飯，唔想起身呀！！

ｂｕｔ最後都係起左身食飯，之後又做功課喇！一路做功課，一路睇電視，

今晚呀哥去姑姐道住，因為聽日去燒烤（大尾篤），阿哥就過姑姐果邊幫手拎野，

之後同姑姐一齊去，我就同媽咪去，爸爸唔去，

今日好無聊呀！！

                                                                                           4月１５日　　　　　　雨　　　　　　１０：５３ｐ．ｍ．

今日8:00就醒(俾呀哥叫醒)，佢話媽咪話要去拜黃大仙，拜完去飲茶，

8:30行去黃大仙，之後9:30拜完，跟住去左茶樓飲早茶，好耐冇飲過早茶啦！

10:00爸爸收工，佢就黎搵我地喇！食到好飽，so唔洗食晏，

之後就係屋企做功課，做到5:00就沖涼、洗頭，6:00至沖完涼洗完頭，

之後食飯，食到6:30同媽咪去醫院探爺爺，我地到個陣，姑姐同表哥o係餐廳同爺爺食緊飯，

之後8:00就走左，跟住左百佳買糯米糍俾呀哥食，

之後去OK買雪糕食(請媽咪食雪糕)，行到德華藥房，

有人打交，好恐怖，即刻返屋企，跟住睇《人生馬戲團》大結局，

一陣就睇《向世界出發》！唔寫啦！

                                                                                                         4月14日      晴          9:55p.m.

今日9:30起身，之後等媽咪買完餸，順便買埋早餐返黎，

之後一直睇電視睇到1:00，冇溫到書呀！！=.=

之後同馮淑君&石家欣去慈雲山買野食，

買完野食，諗住去惠康買Jolly Sandy(唔知有冇串錯)，但個職員話未夠18歲，

唔俾買，之後就去左OK買，o係OK買，佢望都唔望你個樣，但惠康就...........，

第一次飲，我飲西柚味，有D苦呀！飲飲下唔飲，俾左石家欣飲！！

之後我地就去打羽毛球，跟住就去石家欣屋企(我屋企隔離)睇多次《愛情黐筋show》，

跟住返屋企食飯、睇電視，《在世界出發》真係好正呀！！你地都睇下！！！冇介紹錯嫁！！

                                                                                            4月13日          陰           11:32p.m.