今日10:00至起身，之後就開始做Miss   D功課啦！

4月18日我地(6D)諗住返小學探老師，

我、羅曼、黎嘉穎前果幾日都已經開始聯絡返6D班D小學同學嫁喇！

我以為會好少人應承，但好多人都話去呀！

我琴日重打俾余詠琳，問佢去唔去，重同佢傾左一陣計添，

好想快D見到佢地呀！！希望快D到果日la！！

宜家要去同石家欣打羽毛球呀！唔寫啦！

                                                                                          4月12日        晴        4:52p.m.

今日成日都冇出街！好悶呀！

今朝9:00起身，之後食左個飽，呀爸就打電話黎問我同呀哥食唔食野，

呀哥話食，so呀爸買左盒炒面返黎==，已經食左個飽，

重要食炒面！！等呀哥食剩，我至食埋剩左果D，之後睇左一陣電視，

睇睇下，呀哥話唔好睇，要迫我玩電腦！==

好啦！玩左陣電腦就滅左。之後就等食晏，食完就做功課，做完之後，

就去左石家欣屋企玩，佢要我幫佢默英默，我咪幫佢默囉，但你知啦，

我好多字都識解唔識讀嫁嘛(因為英文堂係度玩)，就俾佢話啦！算.....我忍！！

咁又過左無聊o既一日啦！！

                                                                                              4月11日           晴             10:18      

今日10:00至起身，之後就做左陣功課，食左晏之後，

去左探阿爺喇，4:00返到屋企之後，就溫左陣書，

之後沖涼、洗頭，去返補習(7:30-10:00)，

之後返屋企睇《向世界出發》，好正！尤其係長頸族呀！

好想快D睇呀！

咁就過左一日啦！真係快呀！

                                                                                             4月10日        晴             11：20p.m.

今日9:30起身，一起身成身好痛，

之後姑姐佢地黎左，我就同石家欣去打羽毛球，

臨走果陣，行到去轉彎位道，有舊骨頭跌左落黎，整到石家欣個頭，

條頸損左，之後勁大聲叫：邊個呀！俾我搵到你就死！！

嚇親我呀，從未見過佢咁激動嫁！之後我返左屋企，佢去左管理處投訴，差D搞到要報警添，

但佢趕住返屋企，so冇報警！

佢返到屋企重要洗兩次頭添，好慘！！

唔寫啦！食糖水呀！！

                                                                                                             4月9日      晴            9:40p.m.

今日9:00起身，傷風呀！！之後去補習(10:30-1:00)，

2:00同馮淑君去Apm，羅曼同楊淑美係地鐵站等我地，之後一齊行街，

去左無印良品(買左枝筆蕊、簿同埋擦膠)，之後去左扭蛋，

扭左一個寶盒(好靚！)、米奇頭飾&界指同一個史迪仔o既筆插(好得意呀！)

之後4:45搭地鐵返屋企，5:00返到去，食左粒藥，宜家好攰呀！

呀！今日係黎嘉穎生日呀！生日快樂！

                                                                                                   4月8日           晴             6:55