今日學校放假

好多人都好鍾意呢啲日子

因為佢哋可以同朋友出街

但係小弟都係鍾意番學多啲

因為小弟每次約人出嚟都係唔會得嘅

番到學校起碼可以見到大家開心嘅樣

可以同大家一齊傾偈一齊笑一齊玩

但係每到放假嘅日子

就係小弟嘅死刑

雖然可以訓多陣

但係一起身就聽到屋企人響度鬧交

一鬧就鬧足成個朝早加下晝

小弟又冇人陪出街

惟有留響屋企做苦力

做完嘢之後仲聽到佢哋響度嘈

又諗唔到邊個可以同我傾電話

但係想訓又訓唔到

惟有hea下hea下咁等啲時間過

悶到嘔泡泡

真係好羨慕人哋可以等人約

好就要主動約人然之後等人請食檸檬

就算我幾好脾氣都好

次次約人都俾人拒絕

點都會發脾氣啦~

唉~都唔知點解

大家都係放假姐

人哋放假都可以放得開心過我

我諗我都係認命算啦~

尋日係我生日

但係Miss Ma或者Miss Chung都冇上嚟送禮物同唱生日歌

以為Miss Ma今日上堂會補番

但係竟然冇

超級唔開心

到中文堂

要做個人短講

Miss Yeung竟然話因為出面曬所以響班房做

我心諗

"吓，唔係掛，今次死梗啦"

如果同我好熟嘅人都會知道我有咩問題

就係響成班人面前講嘢或者響班房要好大聲講嘢嗰陣

(除非係好少人聽或者係講自己好鍾意嘅嘢)

我就一定超緊張

然後就會手震、腳震、口震再加lag 機

再加上一定會不斷咁同自己講冇問題(新病徵)

不過當我講冇問題嗰陣就係好有問題嘅時候

不過今日好似比以前嚴重咗好多

當周天朗講完之後

我就開始病發

到我講嗰陣

病情仲嚴重

Miss Yeung都話我太緊張

之後俾咗我啱啱合格(好彩)

個病去到中文堂完咗先停

唉，我真係覺得自己好廢

點解人哋可以做得咁好

但係我就唔可以