今朝去睇戲，約８：３０ａｍ係火車站等∼
去既人有：我、朱可、鄭卓朗同張潤
朱可最早到，之後係我，然後係張潤，鄭卓朗最遲黎
我同朱可一見到佢，就即刻笑咗出黎……因為鄭卓朗著到成個乞丐咁……
去到沙田買飛先，睇神奇４俠，好好睇∼∼
我同朱可買咗個「情侶套餐」食，張潤同鄭卓朗就買咗桶爆谷食
我同朱可食唔晒，就俾張潤佢地食，係拉拉扯扯之間，就跌晒落地……
走嗰時見到成地爆谷……無奈……
之後又陪朱可睇頭文字Ｄ，我、張潤同鄭卓朗都係第二次睇
一入場，張潤同鄭卓朗係咁講劇情，煩……
鄭卓朗又係度背對白喎，好ｋａｉ呀……
睇完就同朱可返咗大埔，去咗我宿舍個會所度游水
３年冇游水啦∼∼３年前學過架，不過已經唔記得咗……
今日仲差ｄ淹親……好彩朱可救咗我一命……
游完水出去姑媽度食晚飯
琴日影咗學生相今日去攞，好樣衰呀……
今日有好多第一次（唔好諗歪……）
第一次食爆谷食到濟；
第一次係戲院連續睇兩套戲；
第一次係戲院睇同一套戲兩次；
第一次係宿舍個會所游水；
第一次差ｄ淹親……
|
