今朝約咗倩彤７：００ａｍ係火車站Ｍ記招牌等，ｔｈｅｎ一齊去攞蛋糕。
等緊佢既時候，湯順恆啱啱出閘，咁我個袋又多野喎，咪叫佢幫手袋住ｄ碟、叉囉∼！
咁佢見我企係到，就問我做乜，我同佢講話等埋倩彤去攞蛋糕，佢知道就話一齊去攞。
個蛋糕超大個，返到學校好彩冇遲到姐……
我地攞咗個蛋糕上七樓，但係七樓既雪櫃唔夠位擺－－”
所以我地係第一堂食……
我攞咗相機影相，網址係：
http://hk.pg.photos.yahoo.com/ph/victoria_ttkhk/my_photos

咁買蛋糕，就梗係要夾錢架啦，唔通我地兩個人俾晒五百幾蚊咩……
各位唔肯夾錢既同學，請你地諗下啦∼＄１７多咩！∼？我地已經收少咗架啦∼！
每人收少＄１－２，３０個人就收少３０－６０架啦……
你地話食得嗰細舊蛋糕唔抵，係就係唔係好抵，但係可以令到老師開心ｗｏｒ……
仲有，話就話細舊，但係老師話唔夠可以出去攞過丫嘛∼你唔攞就你事啦……
你買份禮物都幾也蚊啦∼何況係兩個老師！？∼

下午返咗中樂團後同朱可去圖書館。去到又搵唔到書，朱可又話想飲野，咁我咪建議行街囉∼
我地都想飲「思樂冰」，但附近嗰幾間７－１１都壞咗機
所以我地去咗大埔超級城Ｃ區附近既一間７－１１買。
買完之後我地就週圍行啦，行咗去大埔廣場。
行行下，我地身後就有幾個（應該係幾個）男性既物體（唔知係乜水，我地冇另轉頭睇佢地）
咁其中一個就係度狂講粗口∼講講下就聽到佢講
「前面著粉紅色衫，背住波波背囊嗰個，想識你呀∼！」
咁我地唔知佢講乜水啦，ｓｏ我地加快腳步走。
走到聽唔到嗰個人把聲，我地就係度狂笑∼！
我就問朱可「佢叫嗰個係咪你？！∼」（朱可背波波花紋既書包）
朱可就話「唔係呀！∼？我都唔係著粉紅色衫……」
咁我地就繼續行啦，行行下，朱可就話「我都有少少覺得佢係叫我……」
我倆也好無奈……
咁到咗差唔多六點我就行返學校，佢就返屋企。

返到學校，又見到奇境啦∼！黃亨傑著校服呀∼！
講真∼真係好樣衰∼！
上睇既話，上上網個網址……

＊注意：開放日既相我已經整好，如無意外我聽日會放上網。
　網址同上一樣。