琴日俾咗個ｓｔｏｒｙ佢地睇，今日小息嗰陣靜靜同我講話鄭卓朗叫我咪亂作野，我咪叫靜靜回敬返佢一句：「故仔就緊係作架啦，唔作又邊得黎故仔呢？」到放學嗰陣我又去搵靜靜，靜靜話佢話我無聊，我係無聊呀，依加佢唔俾呀？！∼篇野都係喺我無聊嗰陣先作之嘛∼
視藝堂畫嗰個咩九宮格既畫，係張畫紙度畫九格，然後搵個人兩個交換係張畫紙度畫ｄ不規則既線條，ｔｈｅｎ依呢ｄ線條畫幅話，不過要構成一個ｓｔｏｒｙ。好難畫呀……
最尾兩堂中文堂考書法，係我地考既其間老師就尹埋ｄ中文默書簿。本身以為會得好低分，因為我冇溫過嘛……不過竟然１００分喎……奇……
咁我寫完書法啦，就去課室個洗手盆洗手啦。咁我洗洗下手黃亨傑又行黎洗手，咁我洗完就問丘崎有冇紙巾，佢話冇咁就行佢問小金啦，小金叫我等等，之後黃亨傑行咗埋黎，佢成手都係水，小金見到就話：「你小心ｄ呀，咪搞到我篇野（書法嗰張）濕晒呀！」講完之後黃亨傑就行咗返去佢個位度，不過佢冇坐低，佢係度跳舞，痴孖根∼∼咁小金攞完紙巾俾我我就諗全返埋位啦，咁我就叫黃亨傑唔該借借啦，嗌咗幾次佢都聽唔到，因為佢陶醉緊跳舞。我嗌最尾嗰次佢終於聽到啦，不過佢將佢個兩隻濕晒既手係我而前，咁我就退後咗兩步，唔知唐老師係咪見到啦，佢就話「黃亨傑同學，唔好蝦女仔呀……」講咗幾句，我就乘機逃走，返返我個位