|
|
2005 年 6 月 14 日 星期二  |
| 今日參觀藝術館 |
分類: 未分類 |
今日上堂嗰陣，唐老師同陳老師都照常上課，好似冇發生過事……不過咁都好既，忘記件事咪好囉……
英文默書，琴日冇溫過，上堂先溫，我諗，應該還過得去吧……！
體育堂本來今日係到我地女仔玩手球比賽，上次男仔玩咗，但我地ｄ女仔都唔係好想玩，所以就有男仔同老師提出呢個問題（都唔知點解佢地咁想玩）。老師問我地：「女仔有冇人想玩手球比賽呀？」答案係——冇人舉手，ｓｏ今堂又係ｄ男仔玩手球比賽，我地就打排球、猴子搶球咁。
同丘崎打打下排球，咁我就去執波啦，就聽到口水堅係學校外面叫我。我咪問佢ｙ係度囉，佢話佢去圖書館溫書。咁我都有同丘崎提過呢個我既未來表姐夫既，傲晴同林藝海都見過佢。我同口水堅講完野，丘崎就行埋黎問我：「呢個就係你表姐男朋友呀？」我話係呀，之後丘崎就話：「都唔似蕭正楠同馬國明既。」（我之前同丘崎講過話我覺得佢似蕭正楠，我另外嗰２個表姐就話佢似馬國明）。
下午去咗參觀藝術館，睇咗ｄ書畫呀、陶器等等既野。睇緊嗰陣，見到６丁班嗰ｄ人係度抄野，我就問靜靜ｙ佢地要抄啦，佢地話要做工作紙ｗｏｒ，ｓｏ要抄野。唉∼次次去完參觀都要做工作紙，真係ｘｙｚ……之後我地問返岣老師係咪真係要做啦，佢話係，不過唔會問ｄ咁字細既野，應該係話參觀完後既感想咁。
咁行行下就見到個石像（應該唔係用石造既，不過唔知叫乜……），湯順恆就行咗埋嚟睇啦，之後佢話「個 像有近視架，你睇下，佢對眼瞇架……」聽完佢講我地都係度笑……之後佢又學個 像咁瞇住對眼望返個 像，見到佢講野真係好好笑架……
去同返嗰陣我都係同呂仔坐，我地係度聽ｍｐ３，成車得３個人聽野，我同呂仔就聽ｍｐ３，黃亨傑就聽佢部手機∼∼佢超賤呀∼係架車度打機（手提入面ｄ ｇａｍｅ）∼
放學嗰陣好在冇落雨姐，如果唔係就變成「落湯雞」啦……
|
| 2005 年 6 月 12 日 星期日 |
| 變態的…… |
分類: 未分類 |
今日朝早出ｏ左去食完早餐後，上咗姑媽屋企。我嗰陣個袋只帶咗一本書（睇剩嗰幾頁），上到去睇完本書冇野做∼咪走咗去浩琳屋企樓下叫佢攞《Ｙｅｓ！》俾我攞返去睇囉。
睇完嗰兩本之後又冇野做，就係間屋到行黎行去，之後表哥返咗黎，佢係電腦度睇劇，咁我咪又睇囉。睇完佢又話打機，我又冇野做，又睇佢打機。之後又攞咗佢個結他玩。ｔｈｅｎ嗰幾個鐘一樣冇野做，呆坐係我間屋度。早知係咁，我就攞多幾本書去睇啦∼！用呆坐既時間，已足夠俾我睇到２本書∼！！！最衰就係冇帶到－－”好無奈呀……
我大姑媽又黎咗我二姑媽屋企，佢地就係度打麻雀……
夜晚出咗去食ｄｉｎｎｅｒ，都冇乜胃口食，應該係因為係呆坐既其間食咗好多垃雜野……
返到屋企終於有野做啦∼就係做ｈｗ∼作嗰篇獨幕劇既文，本身老師叫我地作大約２９０字，但我就作ｏ左唔只呢個數目，作咗大約８２０字∼好變態呀……
次次都係咁，一開始作文就話諗唔到諗唔到，之後一作就作出比原定數目多…… |
« | 298 | 299 | 300 | 301 | 302 | 303 | 304 | 305 | 306 | 307 | ... | 310 | »
|
