今日派卷呀∼派咗中文閱讀、中文默書、英文閱讀、英文默書、英文聆聽同數學卷。
中文閱讀就９２分，冇乜問題既，係錯咗幾題同寫錯咗２、３個字咁姐……
中文默書就１００……
英文閱讀就８７……好慘呀……５題都漏晒ｄ ｉｎ呀……每個扣０．５分，最尾嗰兩題又留咗寫ｐｒｉｍａｒｙ呢個字，每個又扣０．５……冇寫漏嗰兩個ｐｒｉｍａｒｙ咪好囉，起碼啱啱８８攞Ａ嘛……
英文默書就９１，都ｏｋ既……
英文聆聽就２０分（２０分滿分）……
數學就１００分∼∼哈哈∼∼
好在數學高分咋，如果唔係都拉唔返ｄ分……
下午去咗新街市既二樓平台表演，冇冷氣，超熱，個個出晒汗……都唔知點解朝早仲落雨有ｄ風，下午就出太陽熱到死……
林楚文姐姐、丘崎，黃亨傑都有去睇我地中樂團表演。
表演完之後，我ｍｕｍ帶我細佬去買野返屋企食，我就幫老師搬野落去先。搬完野上返黎，見到黃亨傑，問佢仲乜仲唔走，佢話佢阿婆同表妹都係度，之後佢就踩咗我一腳（腳爭）。之後我就話佢踩我我話俾老師知啦，佢毫好做作咁講咗「對唔住」呢３個字（佢成日都係咁，整完人之後就扮晒唔好意思咁講對唔住）。咁我就走咗入街市搵ｍｕｍ啦，搵唔到佢ｃａｌ佢，佢話佢就黎買完野落去樓下，咁我咪落去等佢地囉。橫掂ｍｕｍ未買完野，我就梗係要報仇先啦，去咗埋佢黃亨傑度踩返佢一腳之後就走咗。
返到屋企第一時間沖涼，因為熱到成身濕晒。之後諗住開機ｄｌ彈水阿給玩啦，點知ｄｌ咗勁耐，可能係因為好多人ｄｌ緊啩……ｅ家可以做既野就係，係等佢ｄｌ完之前搵野做打發時間－－”
|
