今朝返嗰個咩英文ｘ接課程，搞到我要怪咁死早起身－－”
８：４５要返到學校，上到課室個老師（外國人黎架……）勁耐都唔黎
等咗差唔多１５分鐘……
佢自我介紹時，話佢自己叫ｍａｒｉａ（聯想到ＴＶＢ嗰個男唔似男女唔似女既人……妖）
上堂，好悶呀∼！！！老師問親問題個個都冇乜反應－．－
上課途中，老師佢不經意地露出佢既ｂｒａ帶，但係佢好似唔知咁＝＝
老師舉ｄ例子既時候，次次都係用我個名
可能係因為係我個名最易記啦……（My English name is Ｖｉｃｔｏｒｉａ.）
本身１０：１５分放學既，但老師話因為佢遲黎所以補返５分鐘俾我地（哈，上少１０分鐘）

返到屋企冇乜野做，開住部機聽歌，訓係張床到睇書
睇睇下好眼訓，訓咗大約半個鐘……
終於睇晒梁望峰嗰４本野啦……不過圖書館ｄ書仲未睇晒－，－

朱可去咗書展，幫我買咗本書（因為上次冇行到嗰度，佢去咪叫佢幫我買囉……）
加埋１０本書啦∼！！！／＼／＼
好想快ｄ去漫畫展呀……唔知到時有冇《甲子園後傳》賣呢？！∼

今朝同卓希、細佬潤、傑佬同鄭卓朗睇戲∼
約咗９點係Ｍ記招牌等
平時都係１０分鐘一架加嘛……本身諗住搭８：５０班車
落到去樓下搭車，先知今日（逢假日）９點前２０分鐘一班車
班車８：４０分開咗，要等到９：００先有……玩野……
咁我咪行上斜路先囉，上到去都已經８：５Ｘ啦……咁咪惟有飛的囉
行到去黃宜坳先見到有的士－－”
去到先知只得卓希到咗，個個都未到……
佢地差唔多成９：１５先黎到…
頂∼早知我就唔洗咁辛苦啦∼！！！

一見到佢地，３個之中張潤算係最正常既１個
黃亨傑就着到成個基佬咁，仲要ｇｅｌ埋頭ｗｏｒ
而鄭卓朗就着到成個乞依咁（同上次一樣，不過上次乞依ｄ）

我地睇「老友狗狗」，套戲有搞笑，亦有感人既地方
但係成套戲既劇情就呢度講ｄ，嗰度講ｄ，有ｄ唔係好連接咁……

返到大埔去咗大埔中心食野，本身佢地話去Ｍ記食，但無啦啦又改變主意，去ＫＦＣ食
坐低冇耐就見到姑姐（謝嘉欣）同嘉貓（梁嘉慧）
姑姐竟然話黃亨傑高咗靚仔咗∼佢未講完，我就已經話「樣衰咗咋啩∼」
之後姑姐對黃亨傑個頭好有興趣，又用手整喎∼哈∼笑死我啦∼∼∼

食完野我地就行街啦，黃亨傑同鄭卓朗行到鬼死咁快
睇死佢地都係趕住去投胎
我、卓希同張潤都係跟住佢地尾－－
行到去大埔廣場，佢地係度睇ｇａｍｅ　ｗｏｒ，睇完之後又行啦
行行下又唔見咗黃亨傑同鄭卓朗
張潤打俾佢地問佢地係邊，佢地話係「日月星」，張潤就叫佢地停係度唔好行住
行到去「日月星」既時候，又唔見佢地喎，又ｃａｌ佢地啦
佢地話係昌運－－”
搵到佢地之後，就走啦……
我同卓希跟住佢地三個尾黎行
有冷氣既地方唔行，偏偏要行ｄ曬既地方∼ｓｈｉｔ∼！！！

下午ｍｕｍ約咗佢ｄ　ｆｄ教細佬學游水，要我去埋
係宿舍度等佢地等咗好耐，佢地又話等唔到車入黎，所以搭的士黎
落到樓下先知原來九龍塘火車站撞到人，冇火車搭所以要搵車載ｄ人走
因為咁，我地既５０Ｒ就被派咗出去－．－”

本身諗住係宿舍ｃｌｕｂｈｏｕｓｅ個泳池游，點知話咩漏炭喎－－”
咁咪去咗公共游泳池游囉

游完水，成身散晒……成身冇晒力……
今日本身已經個喉嚨唔舒服（導致我咳……）同埋頭有ｄ痛
食完飯ｄａｄ揸車，上車時我個頭撞落架車到……
超痛呀∼！！！＞．＜

聽日又要返學啦，好唔想返呀∼！！！＞＿＜