琴晚去咗我姑媽屋企訓，因為我表姐唔係ｈｏｍｅ，去咗宿營……
我姑媽同我表姐係訓碌架床既，我表姐訓上面
佢訓嗰度被冷氣機吹到正一正，簡單ｄ黎講，佢張床隔離就係冷氣機
雖然我之前都去過我姑媽屋企訓，但因為我表姐係度，所以我訓地下……
但今次唔同，我表姐唔係度，所以我就訓佢張床
上到去先知原來佢嗰度真係好涷架∼！！！
我姑媽話佢訓覺係蓋兩張被既，一張係毛巾被，一張係冷氣被
但係我琴日訓菟兩張都唔夠呀∼！真係好涷呀∼！！
ｓｏ我姑媽俾多張被我蓋，即係三張－．－

今朝行返學，行好遠……一個係東，一個係西－－
聽ｍａｒｉａ講，因為有個老師冇返，所以我地班今日黎多咗６個人，５男一女
上堂玩咗兩個遊戲，都幾無聊下……
今日既時間比琴日過得快，我同靜靜都係咁諗，可能係因為玩遊戲既關係啦……

朱可今日等我放學，我一出門口見丁既唔係佢，而係周婉盈姐姐……
之後朱可去咗我屋企，坐咗陣，睇《齊天大聖孫悟空》……　　－－”
好耐之前都睇過啦，佢又要睇……
睇完之後出咗去新達，渾渾噩噩咁行咗一陣，正確ｄ黎講係差唔多成個鐘－－
其間佢帶咗我去運頭塘，去到嗰度我地又係度擰Ｙｅｓ！ｃａｒｄ
我用咗＄２３擰，但係就有大約張２７咭
唔係朱可俾我，而係有幾次擰佢都一出出２張……
收穫幾豐富丫，好多都係我ｌｉｋｅ既歌星黎既……

琴日返英文ｘ接課程既時候，同靜靜傾傾下計，又講到呂穎瑤、鄭卓朗同黃亨傑。
好似係話阿ｘｘｘ話鄭卓朗係校草，而阿ｘｘｘｘ就話黃亨傑係校草。
咁我就梗係講「兩個都係雜草咋啩」呢句啦
但靜靜竟然話黃亨傑靚仔過鄭卓朗－－
我第一個反應就係「你冇病呀嗎？！∼」

今日返完個英文ｘ接課程放學嗰時，靜靜話想還返支筆俾李偉軒
因為琴日放學行過既時候係２０４室見到佢（我地係２０５室）
　－－－　　　　－－－
｜２０４｜　　｜２０５｜
　－－－　　　　－－－
但係今日行過既時候，見唔到佢喎，咁我地咪走囉
就黎落完樓梯既時候，靜靜唔知係咪差錯腳跌咗落地－－
咁我就梗係第一時間扶佢架啦……
出到門口，我地就見到李偉軒，我地一齊行到佢面前，一齊同佢講「最衰都係你啦」
搞到佢好噩然，因為佢完全唔知咩事－．－
靜靜俾返支筆佢後，就話「最衰都係你，搞到我仆街」－－”

下午同ｍｕｍ、公公同婆婆食ｌｕｎｃｈ，去沙田．「和民」食
然後去咗我ｍｕｍ公司幫佢做野，做咗差唔多３個鐘－．－