今朝９點鐘起咗身，然後出去食野，食完野搭３０７去灣仔
去到會展，好多人，我ｄａｄ話仲多人過書展……我就覺得差唔多啦……
去咗《Ｙｅｓ！》個鋪面度，買咗《甲子園後傳》ｖｏｌ．１同２
送咗兩張ｐｏｓｔｅｒ
之後《Ｙｅｓ！》嗰ｄ員工就俾咗張飛我，話去攞雪晴簽名
我之前上雪晴嗰網已經知佢今日有簽名會架啦∼！！！／＼＿／＼
見到雪晴，佢都幾靚女吖∼！！！
然後去咗買Ｃｏｍｉｃ Ｆａｎｓ，８月號同十週年特別號
佢話呢兩本野一齊買就有得抽獎，我好幸運地抽到《我的野蠻守護男》既袋同一本簿
之後行咗去賣鋼鍊嗰邊搵返我ｄａｄ
當我企欄杆等緊我ｄａｄ既時候，陳兆麟、鄭卓朗、張孝文同黃家明都行咗黎呢邊
佢地本身見唔到我，直到我叫佢地…… －－”
之後張孝文同黃家明就行咗入去鋼鍊度睇野，陳麟同鄭卓朗同我一樣企係欄杆等－－
鋼鍊個鋪係係表演台隔離既，當時有人係台上面扮緊ｄ角色
陳麟、鄭卓朗就企咗係欄杆度睇
鬼唔望佢地被人一拉／推就仆咗落地∼！！！
係返屋企既途中，我已經係度刨緊本《甲子園後傳》ｖｏｌ．１
返到屋企仲未刨，咪繼續刨囉
當我睇剩１０頁倒既時候（睇緊嗰度好緊張），我ｍｕｍ就走咗入黎我房，問我買咗咩書
咁我正睇得投入，佢問咗我兩句，我就叫佢等等先，我睇緊書咁講
之後佢就走咗出廳，唔知係同我ｄａｄ定細佬講話問我野唔應佢
咁我就冇理佢，睇埋嗰小小佢啦，點知佢又入咗黎攞咗我本書，同我講
「我已經同你講咗話要你改善下ｄ態度，你唔改善我唔會俾返本書你」
唉……睇剩幾頁……不過算，嗰幾頁都大約估到佢講乜，直接睇ｖｏｌ．２都冇乜問題
之前佢都試過係咁架啦……嗰次同佢係文化書局買咗本梁望峰既書
但係返到屋企我又唔記得攞返喎，過咗幾日先記得，咪問返我ｍｕｍ攞囉
佢就話要我表演良好先俾返我（即係要自己洗校服呀，諸如此類囉……）
佢勁耐都未俾返我，到佢知道我考試考到第３先俾返我……
算∼我就睇佢可以收得幾耐∼唔俾返我咪最多買過本，家陣我冇錢咩
|
