作為一個文盲（剛剛個盲字都search左一陣至知點寫）
其實打個blog係要花D時間

個人黎講其實都幾鍾意寫blog，不過真係越來越無時間
但其實，有好多野都想記低佢，起手寫blog就會諗下野同整理一下個思維
算係三醒吾身？

寫blog既矛盾
係又想比人知你諗咩，但又唔想人太過了解你
鴕鳥D諗，咪即係你睇到唔關我事

琴日同兩個好兄弟飲酒
事源係其中一個又溝女失敗
失敗既原因，除左係個女仔有意無意咁誤導人之外
個兄弟都有少少自作多情，諗多左少少又無確實咁了解一下
但如果不論結果，只論過程的話
其實個兄弟都開心過，算係賺左D快樂既時光？
BTW，我只係覺得個女仔當個兄弟係兵，所以都無乜特別野要講

如果問我點解個兄弟成日到溝唔到女
我會講，佢既性格同待人接物既方式都太過人畜無害
太過容易比女仔當做兵（我女朋友都覺得係）
下次希望可以成功啦

飲住酒，傾傾下就轉左去話當年
知道好多以前無乜聽過既野，雖然有D係估到
而我唔明點解佢地聽返我既野既時候好似咁新鮮咁
明明我過左IVE之後都有講過，只係無咁detail姐

講到朋友既地位，其實我一直都無乜朋友
或者係，我內向加怕麻煩既性格又真係唔會主動咁去搵返D朋友
內心好想朋友會搵我，但外表就一面 I don't care 既樣子
無搵開又唔知講咩好
END UP係無乜朋友會搵我，咁只可以講係人地眼中
我都只係一個過客，無乜地位

即使係最好既三個兄弟
我都係次一等，好多野都係同佢地傾計既時候發現
原來佢地有約出黎無叫我，原來佢地有傾過lee d野搵埋我
都明既，我都真係好少會講野，好難交心
其實我真係好鍾意EASON既浮誇，因為都7﹣8成似我既心路歷程
只係，最後我無爆出黎浮誇一次，但內心就會好多FF

最後傾到2點幾，然後訓到10點至起身，好在老細唔係公司

蘊釀左成年幾兩年，話搞話做既野
開始有D起色，起碼都搵到一班志同道合，但可惜既係個個都係frontend programmer
但慢慢開始唔知點定位自己
要IOS，有W同D，要ANDROID，有K，DESIGN又係D搞
客來源又係佢地幾個，我又乜都唔得，做得唔好，好似做左個負累咁
見到D同個同事，幾千幾千咁執D FREELANCE返黎做
我都好想有能力做到
但最近做野好無動力，個人成日都好似好攰咁，返到公司又釣魚浪費晒D時間
D都同我講我lee排個狀態好差
會唔會搬左OFFICE，個位有關？

過埋年，真係要開始搞個WEBSITE
K講得都啱既，追尋夢想，千金散盡，失敗左都係一個經驗同回憶
無謂要自己後悔既