是日阿哥個B滿月
又係叫“浩浩”，計埋lee個
我家姐個B，我哥個B，同謠謠表弟都係叫“浩浩”
雖然三個“浩”字都唔同，但最後都係叫“浩浩”⋯⋯
我諗第時，真係要叫佢地做一號二號同三號（或是大號小號法國號？）

初試我部OMD，一切如常，好爽快
點知轉完鏡之後，用返支12﹣40就得返手動focus
點搞都SET唔到AUTO FOCUS，好唔開心，新玩具玩左一次就死左

最後用返CIRCLE部機影
單反既QUALITY又真係好難比M4／3 replace既
成色同銳利度都好好，L即係L，皇者地位唔係一時三刻可以動搖

食完飯都繼續死心不惜咁試
直覺話我知其實支鏡無壞到（當然覺得係自欺欺人啦）
去到佢屋企試埋LAST一次，都係唔得，就打算星期一拎去整

返到屋企，都係唔死心，拎埋部EPL5試，當然緊係唔得啦
心血來潮上網search下“12-40 對焦” 有冇D相關既post
一search發現...
12-40 無法自動對焦
．1﹪鏡壞了
．1﹪機壞了
．98﹪把對焦環推後了

WELL，我覺得唔係 98﹪，係99.8﹪囉
不過都好，開心返晒，支鏡無壞，重發現左有個新功能

同個三條夾錢買左PS4
畫的確係無得頂
但GAME PLAY，都係同以前既差唔多
而且，玩左一陣就發生左一個唔可能發生既BUG
就係卡左係個車卡到完全唔郁得
係學緊寫GAME既我，好明顯就知道
係D COLLIDER同COLLISON之類既問題
TRIGGER唔到一D條件或者位置所以無反應啦
而我就覺得，因為個GAME太靚，好多野都太過仔細
所以去到做collider既時候唔可能好似PS年代咁，幾個長方型就算
但複雜既collider會出現好多問題
lee d係programmer同tester都好難發現到既bug

家庭遊戲機既年代其實真係過去，遊戲太過單一化
成功既GAMEPLAY，只會一直咁COPY﹠PASTE
一直追求更好既畫質
我唔可以否認，D GAME真係靚到好多位同真既係無分別
但畫質再好，GAMEPLAY差／單一既話，只會令到玩家越來越少
手機GAME正好進軍lee個多員化既位置
低門檻至可以令到個市場百花齊放，有意想唔到既GAMEPLAY