終於，係facebook宣佈要入呢間公司了
對於一個剛剛畢業既我，其實拎住張沙紙應該有幾多選擇，再加上IELTs有7分證明我既英文能力，搵份一萬蚊收入既工相信唔難。但係，我偏偏唔安安份份搵份穩定既工，而去進入一間直銷公司。
我爸對我既決定極力反對，因為我之前一早講好做會計文員，邊做邊考牌，而家話轉就轉，佢覺得係我一時衝動同懶搵工。
自然有人問我係唔係諗清楚，始終直銷未必受到其他人既認同，8、90年代出現得太多呃人既直銷公司，令d人冇哂信心。只不過一開始我已經好有決心做，講真我一d都唔硬頸，只要你提出一個比我更有說服力既point我就一定接受。
仲記得係聽Winnie Yun既會啟發我，一個月入幾十萬既人教你咁樣咁樣就可以成功，你會唔會信佢？我一路聽，一路問自己點解呢個人講野咁有power，往往一個人既親身經歷就已經好有說服力，因為係佢自己親身經歷過，加上佢做得咁成功，實在冇咩反駁到佢既理由。
可能你會話，每個人既際遇都唔同，佢成功係佢好彩，方法唔係個個都得。第一次聽會議我都有d咁既疑惑，到我之後再聽多幾次，個個唔同既成功人士都係咁講既時候，你就冇可能會再諗個個都好彩，而相信佢所講既野。
未聽Winnie個會已經有好多導火線，我阿媽認識左呢間公司已經6年了，用產品減左十幾磅就決定入去做。到左前年佢用產品救左我阿婆一命，醫好左佢既心臟病、血壓高同糖尿病(個時佢d血”傑”到抽唔到，支針係咁插到阿婆隻手瘀哂)，而家差痛風症就搞掂哂啦。終於，有一個家人既親身體驗，產品係好野黎既。
阿媽既待人處事都成熟左好多，諗法多角度左，正面左，而且俾多左好多私人空間我地，唔會件件事都干涉，特別少少既事通知聲就ok了。呢種種都係佢入公司前冇可能發生的。
我既同學覺得好奇怪，明明鐘意會計，plan好哂條路點行，而家一句話唔做會唔會好兒戲。我係到計一計條數先，好彩少少如果入到big four，一個月有萬一人工，平平地一個月使一千，12個月5年60萬，5年後升senior有二萬五人工，做多5年大概夠買3、4百呎既屋，好似好唔錯，但我唔滿足，會計有番工冇放工非常辛苦，而且如果好似頭先咁計，我既生活毫無樂趣可言。
如果係同一個入職薪酬，會計係我興趣同第一選擇，但係講賺大錢，從商睇黎係不二之選。所以，我先決定入呢間公司做半個老闆。再者呢間公司可以為客戶帶黎健康，係一生人最重要最需要既其中一樣野，我覺得好有意義同使命感。
我知道自己做緊咩，考慮既時間其實唔需要長，只需要知道我行既路會唔會比而家更好就好足夠。趁後生，闖一闖俾自己一個機會等自己唔好後悔。
無論睇呢篇文章既你認唔認同我，都希望你送上祝我成功既祝福 =] | 
