琴日發夢見到公公....自從公公係今年3月離開我之後,第2次夢見佢!!記得第1次夢見佢果陣,又開心又驚...返到屋企見到佢係棺材入面,突然間醒返,好似平時咁食野、傾計...當時我又驚又開心,我好記得自己講左句說話 — 「真係好,可以比我見多公公一日」,但今次夢見公公,冇咩特別...只係見到佢好似以前咁陪我返學,夢到佢陪我返學,我已經好滿足...好懷念公公陪我返學既日子,以前佢日日都會陪我返學,自從佢有病,陪唔到我返…我先自己返學!!可能好多人覺得咁大個人（十幾歲）都要人陪返學…唔係卦!! 其實有人陪返學係一件好開心既事…依家我想佢再陪我返學都冇可能…我真係忘記唔到公公,佢對我太好…佢咩都會幫我 — 切水果比我食、細個比人趕出門口,佢會救我、我唔鐘意食既野,佢會幫我食….我以前唔明點解一個同我血緣關係既人會對我咁好…依家明啦,因為由我bb個陣,佢已經照顧我…係時間…係相處16年既時間!!

今次馬尼拉事件,我好明白失去家人既痛苦…真係好難過!!見到佢地,自己都好難過…