人真係好奇怪….有好多時候所做出既決定到最後都會改變,總是三心兩意!!決定左後,再諗諗…又開始有疑惑,都唔知自己想點….呢d都會令到人好煩惱!!例如.中意一個人個陣好想同對方一齊,但對方講過只想做fd only…..唔想再諗呢d問題…..但始終都係會不斷思考放棄定唔放棄呢個問題….. 放棄定唔放棄呢個問題係自己決定,一開始決定左就唔好三心兩意….最重要唔好令到自己後悔!!!唔好再問一d要人重覆十幾二十次既野!!!如果真係決定唔到就選擇放棄吧,有時放棄都係一件好事、一種擺脫!!!

近排心情真係麻麻地…好多野煩!!有冇人會體諒下我,唔好再煩我…比我休息下冷靜下!!我總係好多野煩!!睇我平時好開心咁,但事實上有幾多人又知我苦腦、唔開心、好大壓力??我又可以點樣舒發出黎??有苦自己知….

呢幾日成日都諗起公公…前幾日去KFC食早餐,又諗起公公…諗起以前有幾次係西九撞到公公係KFC食野!!好懷念個d日子….中秋節個晚食飯爸爸提起公公,令我諗返起以前中秋節同公公食飯既情境!!公公,我點先可以努力讀書考好公開試??成日好想做好,但成日都做唔好…我唔想令你失望!!

我決定為左公開試,我會盡力考好!!唔會放棄 =) 公公,你會支持我架可??

給公公的信

公公 :

   近排好嗎??你依家一定生活得好開心好快樂…你知唔知我依家成日都好忙呀??成日都要做功課做練習…加上病左,比較辛苦 =( 我近排買左d新相簿…換左舊個d相簿,見到細個個陣有好多相,但同你影既相就好少…有d失望!!應該要同你影多d相先岩,可以留念…可惜已經冇咁既機會…好懷念你同我一齊返學既日子!!

   婆婆依家冇記性左好多同訓多左好多…年紀大身體差左好多!!自從你唔係到之後,婆婆就變成咁…你既離開對婆婆打擊真係好大,你知道嗎??

   公公,我真係唔開心…點解成日都聽到咁多閒言閒語話我??我可能真係一個衰人,好似好多人都對我有偏見!!多數都係講感情哩d,好煩呀…我有時真係好唔想返學,d人好假…係我面前就好似冇野咁,但背後就不斷講我壞話…好討厭,我好辛苦!!我又冇點去講其他人壞話,點解要咁對我??公公,我真係好想你同我講句「加油,支持你」!!

   好彩仲有對我好既朋友鼓勵我、支持我….令我開心d!!下次再寫信比你啦!!

Tung =)

5/8/2011

今日去左跑馬拉松 ( 5公里 ) - 奥運日暨奥運歡樂跑 !! 係我第一次跑馬拉松,當中行下跑下 ^^ 好攰呀,依家雙腳好痛 =( 但好開心用左大約一小時十五分完成 =) 要休息休息...

唉…今次數學同化學死左!!我放左最多時間溫習係哩兩科,但考得最差係哩兩科…對自己好失望,本來諗住數學今次有進步,點知結果…..我應該點算??提早溫習都係咁,我唔知我可以點…..我以前相信一分耕耘一分收獲,依家我唔會信…付出幾多唔等於收返幾多,有時可能付出左一d收獲都冇!!依家好冇心機,日日溫到11點幾12點,朝早6點起身再溫…捱到好攰都繼續捱,成日唔夠訓…結果都係咁 =( 好唔開心同好失望!!!