今日Mr Poon搵我分享見證,我搵左張苑陪我去…講講下
Mr Poon問到我 : 點解唔信主
我 : 有時我感受唔到主..係公公病個段時間
Mr Poon : 公公依家點??
我 : 走左…
之後自己喊左出黎,真係軟弱…個一刻諗返起自己祈禱同神講俾我公公可以好返,健健康康,但最終…..係個陣我感受唔到神,我好痛苦…日子好難過
雖然件事過左好耐(差唔多1年),但我知自己仲未放低哂…平時好容易開心,但只要提到、諗到公公,心情就會變得好差…會不斷諗好多負面ge野!!平時婆婆雖然唔出聲(講起公公),但我知佢都同我一樣未放低!!佢由公公離逝後就一直食藥(藥都係醫情緒)直到依家…我唔知有咩方法可以幫婆婆放低件事,因為自己都唔知有咩方法先可以令到自己放低件事…真係唔知唔知…「心病還須心藥醫」哩句說話講得好岩
好快又到5/3,係公公離開ge日子…好想喊好想喊!!我知冇人可以幫到我放低件事,只有自己先可以做到…希望隨著時間,我可以做到..
點解我要到左失去先識得珍惜??知道所有事唔係必然…之前總覺得自己有公公、婆婆係好平常、必然…因為諗住自己仲細(10幾歲),佢地會陪住我、睇住我成長…直到公公離逝,我先知有公公、婆婆唔係必然…我要好好珍惜
最後感謝Mr Poon 同我分享見證、為我祈禱
|
