爸爸琴日入左院…近排爸爸成日咳…咳左好耐!!!好擔心佢…希望爸爸可以無事!!!

今日好攰牙…放完學返屋企等到7:00約左阿Sir 去練水….今日仲要落雨, d 水好凍凍凍凍凍…手指甲都凍到變紫色 >< 無辦法啦…為左水運會!!我要加油加油…

我覺得多人鐘意未必係件好事,可能好多人唔同意我既講法,但我真係有咁既諗法…多人鐘意表示你人緣好,好人,又或者你可愛、得意先多人鐘意…有時覺得多人鐘意係件好煩既事!!!人只有一個,唔可以分身去鐘意所有鐘意自己既人…如果揀左任何一個都會傷害到另一方,究竟點做先最好??有時想拒絕人亦都係件好難既事!!!可能會破壞到大家朋友既關係….唉,我仲未諗到點…可唔可以唔好逼我??

參加左水運會…近排要成日練水!!好多野做…無辨法啦…要加油努力!! 個人賽 2項 (50M - 蛙式,50M - 自由式), 社際比賽, 班際比賽  ^^  期待18/10水運會…為金牌而努力!!

琴日發夢見到公公…第3次!!首先見到佢係醫院,無幾耐出左院…返左屋企!!唔知點解公公會應承細佬買盆盆哉比佢…之後佢點都要買盆盆哉比佢,叫我地唔好跟住佢…我好擔心,夜晚係屋企見到佢行得好慢好慢好慢咁返黎,好似好辛苦咁…我就落去接佢,接佢返到大廈入面…佢穾然間暈左,無幾耐就死左!!!我就醒左…..點解每次發夢見到公公,我都好清楚記得個夢??我自己都唔知點解….