分類︰以字抒情

　　話咁快就到左年尾，08年眨眼就過左去(雖然仲未過)，我都趁哩個時間回顧返哩一年所做過既事，同埋事情既得失。嗯，08年對中國就黎當然係大事，對我亦如是，因為哩一年係我人生第18個年頭，成為大人既一年，當然要珍而重之。

　　睇返以前打既日記，回味下08年既甜酸苦辣。

一月

．係年頭，唔記得受過咩刺激黎，話過唔會再寫blog。具體係咩事情，真係唔記得左。我好成功咁，四個月內都無再更新過任何一篇blog。

．隨住唔寫blog，我既日記簿既字數就不斷咁上升。

．去左第二間中學度拎獎

二月

．新年過後，我終於夠錢換電腦。新電腦既感覺特別唔同，以前好多做唔到既野，依家都做到。

．服役七年既舊電腦退下火線，話哂部腦都由小六陪到我上中六，好唔捨得。

．中六上學期成績發放，好感觸，好矛盾。

．二月至三月沉迷於電腦遊戲。

三月

．收到一份遲黎左半年既生日禮物。

．辯論比賽，第一次辯論糊里糊塗就送左比人。辯論比賽前既準備，真係消耗左好多心血，搵完大量資料仲要度犒，度兩份，主辯加結辯。度完仲要諗埋對方既論點，隊員交換手犒，再修訂，無任何人幫，無提示，完全由自己搞掂。工作量應該同通識同學既報告唔會差太遠。不過，我都從兩位隊員身上學到好多野，哈哈。可惜最後佢地未能發揮愛情的力量啊。

．社際象棋比賽，臨出場搵左小堅代我。

四月

．獨自趕工公民教育組的展板，3日後完成一粗製濫造的成品。

．21日，睇返日記簿先至知道我會寫返blog就係哩件事，完全為左一個人而寫。

．22日，開始寫返blog了，而且是大量咁寫，唔似以前隔成個星期，半個月先寫一篇。

．與人有承諾。(很輕易辦到的，可是至今還未做到)

．明白無知反而係件好事。

．參加飛行棋比賽，首輪不戰而勝，次輪不戰而敗。

．第二次考會考英文科。

五月

．忙歷史學會事務，話說我哩個會長都幾得閑，半年都係掛名。不過就算有野做，都非常歡樂，無後悔加入。

．因為食糖比人捉左去留堂，恥辱。

六月

．去左睇火星人畢業演出。震撼，非演出震撼，係我既聯想震撼。

．首嘗有家歸不得滋味。

．體會到知人口面不知心。

七月

．知道上屆高考生成績驚人地好，我因為咁發奮左幾日。

．主持中四基本法問答比賽，係老師同我皆hea之下，搞到個比賽無哂氣氛兼極度混亂。

．係日記度玩文字遊戲，應該無人會發現。

．充滿基味既迪士尼之行。

．北京，難忘既回憶。

．金句"晚飯的地點雖然悶熱，卻比不上我對她的熾烈。"大量金句係北京8日湧出，的確有d肉麻。

八月

．第二次會考放榜，同第一次好唔同，完全唔關心拎咩成績，反正焦點係高考。

．18歲生日，人生走到第18個年頭，好似仲係一事無成。比唔到咩野人，無貢獻。

．開始有跑步既習慣。

九月

．開始有去自修室既習慣。

．過左個好gag既中秋節。

．逐漸感受到讀書既壓力。

十月

．開始將注意力放在高考上，會唔會遲左d呢？

．Jupas選科煩惱左一段時間。

十一月

．參加優秀學生選舉，落選，開心。

．開始諗將來既道路，有幾個方案出爐。

十二月

．當初既動力消失，無咩心情寫blog。

．頒獎禮，反思。

．係blog度寫左好多我對各方面事物既感受。

．再次感受到別人既熱情。

．月尾與家人進行08年第首次家庭活動。

 

完

 

　　一路打，發現我既08年發生左好多重要事，有d，仲可以話改變左我既思想，行為，甚至人生。黎到08年尾聲，我展望09年會過得無悔無恨。