最近因為技術問題,成個星期都上唔到網

終於嘗試到同網路世界隔絕既滋味

期間,生活的確悶左,但係可以用既時間就多左

諗返起黎,互聯網對我黎講其實只係奢侈品,唔係必需品

無得上網唔會死,對我既生活亦唔造成太大不便

有得上網唔會令我脫胎換骨,更唔會送我一對翼

結論–＞電腦同互聯網以後盡量少用,千祈唔好玩物喪志

今日有少少不幸

首先朝早剃鬚唔少心刮親

跟住返到學校發現有同學仔留左d傑作係我個位度(唔可以怪人,佢都唔想)

放學因為趕住返屋企等寬頻維修員黎,所以無去中史補課,走完先有d內疚,我個完美出席記錄啊..

除左咁,我覺得走堂始終唔係一件好事

諗下,有人不惜多次重考,既要忍受各方面既目光,亦要同自己心理關口搏鬥,為既只係一個中六學位

一個預科生竟然唔好好珍惜自己好僥倖得返黎既學額,成日嘻笑玩樂,走堂曠課

哩種態度,唔單止係對自己人格既貶低,更加係對所有重考生既侮辱

希望我唔好再出現哩種咁差既學習態度啦