最近睇左幾部以校園做背景既日劇

愈睇愈覺得自己七年既中學生涯白白咁浪費左

至少,我理想既中學生涯應該有以下經歷

．同同學打一場大交

總覺得熱血青年,發生衝突係正常不過,以拳頭見面,就係男生們談判的方式,流血過後,反而增進大家感情

．同老師有深厚既友誼

最好既老師唔係教識學生好多知識,係可以同學生做到真正既朋友

．參加校隊,為學校出戰

唔係戰場上流下汗與淚既印記,仲算咩中學生

．承上,識到一班以血汗結識既戰友

能同甘共苦既朋友,先係一生中最重要,最可靠既人

．至少係某一方面出類拔萃

即使係剎那既光輝都唔緊要,至少證明奮鬥的心曾經燃燒過

．談一次轟烈既戀愛

點轟烈法,各有各說勒,總之無憾就得

．低年級見到你會叫學長/師兄

咁先證明到自己係受到後輩既尊重,不過可能妄想左D,係FGSS係無可能出現

．逃學

對學校既反抗先似一個正值反叛時期既青少年

．係學校喊過

唔係指比人打到喊,係發生一D感動到令人喊既事,例如用極為驚奇既方式同人慶祝生日

暫時諗到既係咁多

到依家先發現,原來理想既中學生涯同現實版真係差天共地

點解我可以令七年原本可以過得豐實既美好日子變成一段不堪回首既往事?

起碼中學還未發生一件足夠回味一生的事.