返工前夜的最後瘋狂，很瘋，很狂。

　　返工第一日，要學既野唔算多，始終有肥仔兄照應，無犯下咩大錯誤，對我有困難係記甜品名簡稱，聽燒兄話，多數新人第一次記都有九成半命中率，但係點解我岩得六成.....

　　感覺同事都好友善，唔會黑面，衰在唔知佢地覺唔覺我友善，等D遲熟左再問下佢地。

　　有工返，無疑係一種極大既學習推動力。

　　一黎，當大腦開始學習新事物時，轉數比係屋企HEA快好多，係自修上亦事半功倍。

　　二黎，返工令人意識到，時間係有限，更加珍惜工餘時間，唔會再浪費係d無謂事上。

　　今日係唔錯既開始。