分類︰日常生活
三日內有兩日通宵，一係去人屋企坐通宵，一係踩單車踩通宵，真係極唔健康既生活規律，依家後生可以覺得好好玩，過幾年，個天就要收我了。
可能唔洗等幾年，因為最近身體質素都差左，大腦判斷力下降左，由接收訊息到有反應既過程既速度跌近50%，有次踩車過馬路，差D比架小巴撞死。
語言能力又差左，令我由沉默既人變成自閉既人，再經常辭不達意，做左個”唔開口好過開口既人”
自制能力又差左，近幾日一度沉迷係電腦遊戲度，去到不能自拔既地步，嚴重浪費時間。
聽力又差左，有時人地係耳邊講野，我都聽唔清，正係知人地講緊野。
體力又差左，拖地，掃地一陣，條腰就開始發酸。
運氣一路都差開，最近更差。去一次健身室，搞到唔見左條鎖匙，後尾問體育館職員，問埋大家樂嬸嬸，佢地都話無執到鎖匙，只好叫娘親哂幾十文錢配多揪。
當晚，出門返工後，無聊地摷摷個袋，發現條鎖匙原來一直收埋係個暗格度......
| 
Title●差 
Date ●19-09-2009 
