唔知通頂得太多，食老麥太多，杯麵太多定係睇到唔應該睇到野既太多。前幾日返工突然流鼻血，真係話流就流，毫無先兆。好在一切都係廁所度發生，唔係既話係班客前噴血，我仲顏面何在，以後仲點係店內立足。

　　流完鼻血，喉嚨痛足兩日，唔知兩者又有咩關係，希望喉嚨痛完就算，唔好再有其他拼發症。

　　記得上年講過，話下年唔要再過一個GAG既中秋節。結果，今年仍然過得充滿GAG味，我隻霸王雞呀！！！！！！！！！！！！！

　　好一個中秋，家人返哂大陸，自己又要返工到凌晨。為左應下節，點都要食返少少月餅，就咁樣，對住屋企四道牆食左件細月餅，食果時月亮都仲未出黎。食完再同幾個老友去大排檔撐枱腳，叫左幾味餸，實際上得2道菜食到。蝕本了。

　　好唔容易挨到凌晨四點放工，同朋友行返去太和火車站，去到巴士站附近，抬頭望，終於見到滿月！果下真係非一般感動，可惜，果個已經唔係中秋既月亮，即使月亮再圓，在我看來都存有缺口。

　　今晚，孤獨咁切開份生日蛋糕，獨自坐係廳度慢慢食。諗起都覺得悲哀。

　　唯一慶幸就係隻生日蛋糕唔係屬於自己。