有親戚新抱添丁，係中國人社會，無論在人情在面子，都會擺返幾圍酒，請親朋戚友聚首一堂，食返兩味。沖喜之餘，亦有頭有面。

　　來客知道自己雖然唔係主角，但係被邀請得，都會有種被主人家重視既感覺。絕對唔會黑口黑面走黎食飯，食完即閃。同時，來客為免唔想”白食”，都會暗中封返封利是仔比主人家，做返個人情，令自己都食得心安理得Ｄ。

　　席間，見到一眾熟面口既親戚，兒時回憶又再湧現。見到另一班生面口親戚，主人家幫手介紹時，都係話我係邊個邊個個仔，然後佢地多數”哦∼你幾似你老豆／老母喎！”認真造作。

　　哩種宴會，令到一班多年無見，又有血緣關係既人再聚，可以加強彼此交流，不失為一件好事。

　　最開心當然係主人家，全晚抱住個孫四圍走，滿面幸福，真係蹬佢高興。

　　如果自己有朝一日可以好似佢咁，都算死而無憾。