有時諗野好單純，亦好片面。

　　例如覺得

　　男人，就應該有結實既肌肉！

　　男人，起碼要識三種語言！

　　男人，一定要識整水電！

　　男人，一定要識玩樂器！

　　但往往係哩種單純想法，支配左我既行動。

　　為左達成識玩樂器哩個目標，今日衝左去琴行買左支電木吉他（點解揀吉他，過程都幾一波三折，有機會再講）

　　發覺揹起個吉他袋係條街度行，總覺得路人都將目光集中於我，愈望自信心愈高，彷彿變左個吉他高手咁，事實係我根本唔識彈。所以我有諗過既然拎住Ｄ樂器可以提升自信，又可以吸引途人視線，不如去琴行買幾個小提琴箱，單簧管袋，薩克風盒咁，拎出街，扮下資深音樂人，享受途人艷羨既目光都唔錯。