﹂》今日10點幾起身@.@"頭仲暈暈地,拎左支新既洗面膏試下,爽

﹂》見矮仔係度打機,,,,做好心咁幫佢開創左個新人物,點知覆蓋左我玩左勁耐既存檔.....- -真係好心冇好報...

﹂》食完飯過多陣..就出去火車站,事關今日約左人去書展=]

﹂》其實,,我地同ck約好左係尖咀碼頭度等,,點知我地個個都唔識去,唯有去左尖東先,跟住問下人點去..

-----------------------隆隆隆隆隆隆隆隆隆隆隆隆隆隆隆------------------------

﹂》終於到左尖東,一行出閂口已經唔識路....好彩問正個好心既保安,佢講得好詳細@.@

﹂》保安話"想去尖沙咀碼頭呀?好簡單架喳,你見唔見到前面有條樓梯?行上去之後直行,係咁行,再行,行完之後唔好停繼續行,跟住行行下就會到架喇"

﹂》講到咁都唔知信佢都唔信好,,,但係見佢咁落力講,就信左佢,一上到樓梯就有令女係前面行過,仲要著住校服,好想知佢係邊間

﹂》行完一大輪,真係比我地行到....發覺時間尚早,距離4點仲有一大段時間,於是就走左去一間唔知咩名既商場度行下.一樓係冇野睇既...2樓好似係專賣電腦野,睇左一陣就閃人,3樓就係商務,入左去睇左勁耐,我諗果間商務係全香港最正既商務..點解?唔係因為佢夠大,夠多書,而係佢有個無敵大海景@@可以200度咁去睇維港景色,可惜晏晝個太陽好猛A.A曬到個海反哂光,我企係塊玻璃後面睇左陣書,都比D光反到色盲咁滯...真係...曬完之後,隻眼係分唔到咩顏色-.-真係恐怖,好心佢就換下D玻璃

﹂》睇書睇到4點..就去返尖沙咀碼頭個廁所等,等埋ck佢地之後,去左雪糕車買雪糕食-v-"真係好好食

﹂》之後齊齊坐船去灣仔,係船上面果隻感覺好爽._.d海風係咁吹埋黎,d頭髮比風吹到係咁飛,係咁甩(講笑...)

﹂》ck無喇喇講我d野出黎-.-佢好似咩都知道哂咁既....連我學校既事佢都知,,都唔知佢係唔係有咩線人係學校,,,諗起都心驚

-------------------------------------呯-----------------------------------------

﹂》到左對岸之後,已經見到好多人排隊,行多陣就見到個售票處,買左張票就入會展睇,(期間有人發火...)

﹂》入到會展......真係好多人....要慢慢攝慢慢迫先入到展覽廳1....果度又真係好大@.@入到去第一次就見到大大張鄧麗欣既海報,佢好似出左本書,不過冇留意係咩事....

------------------------踏踏踏踏踏踏踏踏踏踏踏踏踏-------------------------

﹂》由4點9行/睇到8點.....個肚終於頂唔順,叫我地走人.今次就聽個肚話,閃人先.

﹂》由會展出返黎,唔識路去返碼頭-.-之後係度亂行一通,差d行左去金鐘果面,好彩又問中左好心人,

﹂》原來我地行到既地方離碼頭好遠..知道點去之後,連行帶跑咁沖去碼頭......

﹂》經過金紫荊,發覺果度既海景好令,最衰冇帶相機係身....(哩句說話今日講過唔少於廿次....)

﹂》幾經辛苦終於死返去尖沙咀,我仲好似唔夠喉咁....去商務又買左幾本書....

﹂》到9點終於肯走去食野.....搭返火車去旺角搵野食,係旺角火車站度見到4條邊@.@唔知佢見唔見到我

﹂》之後去左旺角某一間餐廳度食野,食左一陣,有1男1女走黎搭抬,個男人一黎已經眼超超咁望住我地,之後man2好似望左佢一眼,條仔就係咁怒瞪返佢(哩d係事後聽佢講返,我果時食緊野....)我都覺得個男人有d唔妥...佢係咁同佢女朋友又攬又錫咁,,好難頂,我坐佢隔離都差d食唔落飯...最衰既係,條友等我地食完飯佢先轉去坐卡位,賤得佢-.-不過佢都有自知之明既,知自己樣衰衰咁,可以用個樣黎邪住我地...果餐飯已經四十幾蚊咁貴,,,加埋條友就真係乜胃口都埋,算...當趺左幾十蚊

﹂》唔講佢住,食完都10點左右,就行左一陣信和同旺中,發覺夜晚旺角真係好雜..咩人都有,下次唔好揀夜晚去.唔係比人砍死都唔知咩事,(早排新聞先有人早招)

﹂》返到屋企成11點,一online小溢就搵我@_@"之後沖涼,,,成身爽哂:)

﹂》諗住聽日同小溢一齊剪頭髮,唔知去邊好tim....