今日係學校既綜合表演 擔當校工哩一個咁『神聖』既角飾，有點兒『自豪』

10點幾返左學校，點知去到見到勁多中一註冊既人，上到2樓先見到葉xx同高妹佢地。

原來佢地係到睇緊上次4區聯校表演果隻碟，我就跟住佢地一齊睇 睇到人地間學校果個咩"彩虹橋"

簡直不合情理，有咩人會偷完人d野之後又去話返比被佢偷左野既人知佢地放左個銀包係邊-.-仲要比錢佢搭車...

一路睇一路笑

等到11點幾d人sin開始到，都唔知咁早返學校做d乜...

跟住又好玩喇，哇哈哈，成班鴨仔團殺左過去仙桃源食野，數一數都有廿個人

都唔知有冇嚇親班伙計

見葉子x叫左加大既野飲我就跟住叫啦，杯野飲一攞過黎......嚇親我 大杯過平時果d 2倍....不過最後都飲得哂。

等緊野食果時有好多人都係到玩UNO，我當然唔會執輸 原來....我竟然唔識玩-0-"都係靠葉X軒教我玩SIN唔洗輸得咁慘。

食完之後返返學校，有一段時間冇野做，又係一大班人一齊玩UNO.....點知比個MISS NOW趕走話有D中一生會黎...係到玩UNO會有損校譽...頂...

唔比玩之後又比豪哥叫左去擔擔抬抬 好彩有個大隻佬係到幫手，唔係都勁難搬。

搬完之後就出發，無意中攞左鄭嘉鴻部MP3黎聽，點知佢有D歌...咩美少女戰士...頂唔順

去到先知原來間野咁隱閉...等間野開門之後就入左去彩排，期間同班做幕後既大隻佬係化妝所到鋤D

勁過隱。

等到7點幾先開始表演...開頭果時冇咩人黎，以為之後都係喇。

到我果個節目時，一出去都差唔多坐滿哂人，由我講第一句野開始，我一直都聽到陳X羲把死人笑聲

好想衝落台打佢。好彩忍得住。

表演完之後落返台見到陳滑佢地就同他們出左去行左一轉。

到10點到個表演先完，我就走喇，點知去到小巴站先知我揪鑰匙係葉XX到....頂...都唔知幾時先可以攞返。

又冇佢電話，唔知佢會唔會搵返我呢??

打左好多字A_A閃人