分類︰日常生活
10點鍾比阿媽嘈醒左，原來係葉ＸＸ打電話黎（姓名不便公開）
仲叫我１０點半返學校排戲，我心暗罵一句，依家１０點鍾，當刷牙洗面５分鍾，換衫３分鍾出門口２分鍾。
４個字叫我返學校∼！結果．．．比我說服左佢比我１０點９返學 
返到學校．．．見到其他人望住我個樣怪怪地．．．就知有Ｄ咩不對既地方
原來！！係可以著便服返學，葉Ｘ軒！！
你竟然唔同我講聲．．．可惡 
排戲排左勁耐．．有人買可樂請我地飲，好正，不過我都係飲左半支到就唔想飲。
可能係冇食早餐既關係喇 
休息果時鄭Ｘ德老師走過黎同我講『ＸＸ興，你Ｄ數好唔掂喎，你知唔知呀？』（其語氣之鄭重，確實少見）
點知係我身邊既葉子Ｘ就彈左句，『阿ＳＩＲ！你唔好玩野喎，佢好差咁我算咩？９成係你改錯卷，計錯分！！』
（隨著他語氣漸漸激動，額上青筋也漸漸湧現）
之後鄭ＳＩＲ竟然話『咁有自信？玩你唔到ＴＩＭ』
我果時想將個拳頭塞去佢個咀到 
佢見到我個表情有Ｄ怪就好識趣咁走左，頂佢唔順．．．
排完戲之後返屋企．．．．真係餓到傻左，終於係２點幾果時食左"午餐"
之後打開部腦一睇，有好多人ＡＤＤ左我都未應．．我唔想架／．＼
其中當然有擅長炸人個ＩＣＱ既溢在內
之後竟然同佢玩狂玩ＡＯＣ不過狂輸／．＼
到左夜晚冇食飯，食唔落．．
最後都整返個麵黎食．．唔係真係餓死人都似 
∼＿∼原來打左咁多字，閃人 | 
Title●補寫 
Date ●04-07-2005 
