對唔住廖瑞峰！！！
我唔應該咁樣發你脾氣！！

對唔住！！

今日７點起身，７點３０番到學校，溫中文默書
econ，做英文功課，好悶！
小息，周圍行
中文堂，默書，冇帶默書簿，要企係到默，錯左１個字=3="
第４堂唔駛上，落去交職禮，同周嘉兒坐，有傾有講咁啦，校長講左好耐，上台，潘蚊勁搞野，影完相個樣即刻變番哂，哈哈！
break，piza叫我畫便服日既貼紙，我以為冇tim=3="
中史堂，畫便服日既貼紙冇聽書
之後又落去交職禮，好悶！
lunch，細佬又跟住我，哈哈，食飯，食完飯上去，又係行黎行去=3="
英文堂，janice叫我作野
放學，同文欣做board，我做到好似格格不入，有d怪，有d野要加=3="
走人，去更衣室放野，同文欣走，之後自己走去元朗廣場買野
坐巴士走，後面d低b仔好x煩呀，仲要係到講粗口，我盯住佢地，佢都低低地既，話嚇親我bor
咁勁，吹雞打我丫，好驚呀！
番到屋企打機，晚餐有醉雞食！

今日早上要去學屆田徑，早上唔駛番學７點起身，換衫，食完野７點４出門口去搵吉仔拎衫，見到步步同武係k73上面，仲hi我tim，之後吉仔７點９先黎到，拎左衫就行過去天水圍運動場啦，去到就換左件衫啦上去看台坐，盧冠忠問我係咪跑３０００m，仲問我個時間，問我最快跑幾多，我話：〔最快跑過１２分０４〕之後佢好驚訝：〔嘩，仲快我成１分鐘！〕其實我都冇麥信心=3="過左一陣魚蛋明就點名啦，之後睇場刊，３０００m係第一個項目，仲有４６個人跑，點跑呀=3="９點幾，落去熱身，好凍，跑左１個熱身圈，有少少抽筋=3="熱身，玩玩下咁做完之後就聽到召集啦，就去個廁所啦，去完就走去召集啦，見到我個fd，嘩！真係好多人=3="我仲要排咁後tim，點跑呀=3="點名既時候旁邊個個聊我傾計，佢好似d傻仔咁既，哈哈！起步啦，果然成班人塞住哂呀，我唯有cut出去出面，跑快少少，由３３位跑左上去１０名之內啦，哈哈！不過之後因為一開始跑得太快，所以愈來愈慢，跌左出１０名，哈哈，我預左會係咁嫁啦，但都有大幾名丫，時間過得好快，最後１００m聽范城偉大叫：〔過佢，過佢！〕哈哈，好搞笑，結果加速左少少，過左１個人，跑完，跑第１４，一開始以為我會係中下游分子，依家跑第１４都算唔錯啦！跑完，好辛苦，我個喉嚨唔知點解有d血既味，好似想嘔血咁，記得上次跑完都係咁嫁，所以猛咁吹水=3="上去看台，好攰，訓左係到，抖左訓就睇下人地跑步啦，又係到同魚蛋明吹水，之後見到盧冠忠跑３０００m，佢跑完之後上黎同我講：〔你跑１１分５３bor！〕聽到之後好開心，又快左啦！之後睇睇睇睇睇，好悶，睇到１２點，去食野，同麻佬番朗屏食大快活=3="我係咁係到打乞痴，睇黎，都係今朝熱身咁時候，吹到咁啦！食完就番學校，番到係係１２點１０，上去課室，過左１０分鐘，落去打波，之後排隊，上課室，英文堂，好悶，係咁打乞痴，放學，走去練波，阿sir問我跑第幾，佢話跑得唔錯啦，只要過得到自己就啦好攰，頂唔順，抖左好耐，第一次練波練到咁嫁喳=3="練到６點幾，走人，番屋企，打機，仍然係咁打乞痴=3="

今日7點起身，搞掂哂ｄ野，７點３出門口，唔記得左俾番鎖匙肥周=3="econ，見到葉惠民，就諗起我沉日走既時候見到佢，佢問我跟唔跟到，我話跟到=3="之後佢話：〔我覺得你得嫁，我覺得你幾聰明嫁，不過懶喳！〕我答：〔我知我係懶，由細到大ｄ老師都係咁講！〕聽到佢咁講，所以我專心上堂！明d唔明d=3="小息唔記得左做左d咩啦，中文堂，冇文功課，罰企=3="maths堂，好專心，但佢真係講得好快，但我都明啦=3="break問肥so借paper２，英文堂，佢講野真係好似吹眠我地=3="講工作紙，冇做paper２，lunch，唔記得左帶銀包出去，去雅苑食，見到傻c，麻佬幫我俾錢，哈哈！唔該！番去罰企，罰到２點，Janice(慧瓊)出殷見到我拎住世史書，就問我做咩咁勤力呀，佢又話：〔你上呢科既時候係咪好專心呀！〕我都知佢係到暗串我嫁啦！我亂答左ｄ野，之後佢又問我：〔咁你上咩堂最專心呢？〕我答左：〔maths〕之後講ｄ野唔記得左，心諗：佢真係好煩！都我真係好鐘意好鐘意maths呢科，我真係覺得自己揀錯左文科呀＞３＜之後要出去排隊，如果唔係個班人嘈，我地都唔駛罰企啦，我係我個邊不之幾靜=3="好唔据！history，test，算係識啦，之後上堂，佢講ｄ野好搞笑，哈哈！放學幫文欣釘左個紅樓夢，走左去hall樓下既健身室健身，為左大隻ｄ！為左拉闊ｄ個膀頭努力！好辛苦！去到５點幾番屋企！之後番到去打俾吉仔，佢話唔去跑步，我自己去，８點去到，跑左２個圈，唔掂，沉日跑左２０個圈，攰得擠，頂唔順，死啦，星期５比賽都唔知點算好=3="之後走左去踩單車，經過左好多人既屋企，廖瑞屋企，小方屋企，好多好多，之後經過文欣屋企，見到露台有件黑色衫，哈哈！之後經過珊屋企，之後就踩番天水圍啦，我覺得我真係好無聊=3="番左家，食野，玩電腦，好多功課！

今日7點半起左身，打疽陣機，諗緊去唔去練波好，最後都係決定左去啦，８點半換３，８點８出門口，坐小巴，９點番到學校，今日張sir又唔黎，陳sir又遲大到，佢仲大條道理咁講：我有指定９點要到咩！=3="勁無奈，開始時練步法，之後打波，１１點幾開始打雙打，之後打單，同陳sir打，拎左佢１分=3="７比１！不過我覺得狀態不錯，哈哈！打完，番屋企打機，打到７點食飯，之後再打，打打打打打打，到左１１點，一路睇波一路同雞傾計，去到１點，訓左=3="

今日去聯校畢業典禮，真係好攰，但好開心！今日６點起身，食野，換衫，６點７出門口，７點番到學校，７點３上車，７點１０就去新伊館啦！陳sir講解我地要做咩，再分配工作，就開工啦，要掛ｄ波浪布，第３次黎，都係覺得好細=3="我地好快手就掛哂會場裡面啦，用左１個鐘，之後要去下面掛樓梯，好多人都黎左啦，見到文欣=3="要掛門口既樓梯，分配好工作就開始，好快就整好啦，之後就上去休息下，見到ｄ接待都幾慘，要企係到，但我都慘丫，要咁早起身，又要搬搬抬抬，去到１２點，lunch啦！恨左好耐啦，好餓呀，食焗豬扒飯，好好食，食完，去買左１０蚊既雪糕，陳嘉雯叫我請佢食，是但啦，請左=3="之後過去同娜娜&周佩儀影左２張相，之後坐左陣就集合啦，之後又再次出發去檢查一下ｄ波浪布，冇問題，上到場館，老師話綁好ｄ，綁lou，之後搞掂，終於有得休息啦，之後唱歌，時間到了，開始了，ｄ樂隊吹得好好聽，之後頒獎，之後唐英年致詞，講錯野，超搞野！之後ｄ合唱團唱歌好好聽呀，ｄ女仔好高音！完啦，又咁整番ｄ布啦，慘，最早黎又要最遲走=3="好快搞掂走得，文欣佢地係門口等我，行出去坐968，番到元朗去吉野家食野=3="文欣勁，終於食哂ｄ飯，食完去行一陣，之後見到阿兜，阿so佢地走，我送文欣歸家，行得好慢=3="行到惠康，廢事俾佢阿媽見到，byebye，走左=3="坐小巴走人，番到家沖涼，打機=3="

張穎祝你生日快樂！！！！！

隻腳冇事啦!!!!!!!!!!!!

今日起身，２邊大脾勁痛，唔想行，打機，打到３點半坐西鐵去補習，行得好慢，勁痛，尢其係落樓梯，勁唔掂，補完佢俾左封信我，坐車去時候睇，睇左都冇麥感覺，不過真係希望你會改啦，６點番到去，食飯，冇去練跑，打機．．．．．．

今日８點幾起身打winning10，好玩！打打打打打打，打到３點，食野，再打打打打，打到６點半唔打啦，訓一陣，７點幾踩單車去練跑，唔係好想跑，隻腳條筋拉緊哂，上左看台睇１陣玩朗區隊練波，之後同吉仔踩單車去朗屏搵廖瑞佢地打波，打到１０點，吉走左，我打到１０點半，走人，踩踩踩踩踩踩，踩天水圍外圍番去，行左ｄ好黑既路，我有ｄ驚，哈哈！１１點番到去，沖涼，食野，睇波=3="