9點幾起身，開電視睇
見到陸濤，王澤森同埋個個好似學生似新老師三個一齊上去玩新春遊戲節目，哈哈！勁搞野
爸爸叫我番學校唱佢地，哈哈！
下晝，阿姨佢地黎左，去入茶，食得好飽
食完，阿姨佢地走左，今晚又番黎食飯
番屋企打機，好悶！
５點幾佢地又黎左，連舅父仔都黎左
阿媽煮左好多野食，好好食！！！！
食完之後同表姐佢地係到玩啤牌
佢地走左之後又打機啦，打到１點訓左∼

恭喜發財！！！！！
身體健康！！！！！
今日１０點鐘先起身，係到睇電視
睇到１點幾，阿媽番來了，食飯，沖左杯茶俾阿媽，收左第一封利是
食完飯就出去啦，爸爸揸車，去秀茂平先
之後去藍田阿麻個到，好多人呀，好多利是呀，哈哈！
收左千幾蚊啦，之後ｄ大人係到打麻雀，家姐個ｄ又係，開左３圍，哈哈！
我唔識，唔打，睇電視，悶到我死
８點幾，成家一齊食飯，好飽
食完，佢地又打多４圈=="
１０點半走，想睇電視都冇得睇
爸爸又揸快車啦，哈哈！差唔多全程都超速，哈哈！不過我鐘意
就算塞車都好快番到啦，１１點２番到啦，哈哈！
之後睇左陣電視，訓左！

今日都係好悶，仲未有得上網
晚上出左去食台灣面，都唔係太好食=3="
食完去左行花市，好多人呀
老豆買左好多花=="
行到我隻腳好痛，行到唔想行，我本來想買ｄ野玩下，但痛到唔想行
番屋企，香港寛頻俾我老豆鬧左幾句，終於上得番網啦！
１點鐘訓左





巨型玫瑰花=="


鬼呀!!!!哈哈!!!!

今日９點番學校練波
好攰，練完同廖瑞去食野
行街，悶死我了，冇得上網，搵唔到人同我傾下計=="

祝大家情人節快樂！！！

今日旅行日呀，去流水響
７點鐘起身，收拾行裝，食左個豬仔包７點３出門口
番到學校見到佢地成班係門口，入去先啦
成班人係到吹水，吹到８點半集隊，我地架車好快黎左啦
上車啦，上左車係到聽歌，廖瑞個ｄ仲係到打nds=="好快就去到啦
９點４去到，點知原來ｂ班岩岩先上車=3="
落左車仲要行一大段路


個水塘都幾令下
到左燒烤場啦，聽歌，起爐，好快就起好左啦
阿so叫我幫佢地起，呢次起左好耐都未起好，好失敗，阿彭仲要係到串我，又唔幫手，個時真係有ｄ唔開心嫁，不過真係[好人難做呀]
一個爐煎扒，一邊爐燒左食，唔該何b亨同阿彭幫我地煎野呀^^
燒左冇幾耐就有少少飽啦！d野幾好食，同方丈&傻c影左張相，傻c好鐘意玩自拍=="




之後成班去播janice飲歌+送豬扒俾佢，哈哈！
俾佢發左tim=3="哈哈
食完，收拾垃圾啦，都唔係食左好多野喳
之後成班人話去行山，去左廁所先
係廁所門口見到shan，同佢影相，點知阿笨玩野












佢叫我地將張相合併=="
之後去行個個唔知流水響咩徑


見到吉仔個山坳，哈哈！
上呀，上呀，上左好幾百級樓梯，好攰，去到個分叉口，休息左陣




我地決定繼上，上去山頂
行左冇幾耐我地頭３個到左啦，好攰呀
之後後面個d都到啦，係到影相













好大風呀，好涼呀！！























休左１５分鐘左右，就番落去啦
佢有幾個停左係到煲煙=3="
我地６個繼續行，再次去到個個分叉口，阿彭將鶴藪水塘同流水響水塘混為一談，以為係一樣
傻堅仲衰=="[條條大路通羅馬]信佢地啦，行一條未行過既路落去

行行行行行，有d路都幾難行嫁
行到差唔多落到山，聽到人聲啦！以為番到啦
我仲講[上面睇個水塘，好令呀！][但係點解好似唔同左既]





我地行一條長長既樓梯落到去，睇地圖
呢次死火啦，原來真係行錯路，去左第二個水塘，鶴藪水塘
個一刻真係好想打阿彭，哈哈
我地研究左好耐個張地圖，應該點行呢

路線：我地行紅色個條上山，行番藍色個條落山，去左鶴藪水塘，都有好幾公里啦
之後就去問個個帶學校既老師，佢叫我地行平路番到
話要行４５分鐘先去到，死啦，１點５０分啦，２點３０分要集合，邊夠時間
即刻打俾何ｂ，叫佢幫我地同janice講可能遲到
所以我地起勢咁跑，經過左好多地方呀，沿路係咁問人
分開左３個３個咁行．我＆阿彭＆淫傑行係前面，傻堅＆步步係後面磅住奶媽，佢唔係好得，哈哈！
經過左好多地方呀！！哈哈！







加油加油！哈哈



我地連香薰園都去埋啦，幾勁呀！





















幾經辛苦，我地終於由另一邊番到黎我地落車個個地點啦
攰死了=='番到去個集合地點，坐係個到
同佢地係到講我地既所見所閒
真係好難忘，話就話係到鬧阿彭，不過真係多得佢，先會咁好玩呀！
個個人都昆人既，話９個字，我地行左半個鐘意就到啦，係到鬧佢，哈哈！！
mr 周仲唔信，俾d相佢睇，佢仲話唔好話俾佢好朋友mt chan聽呀，哈哈
車到啦，成班人齊走啦

上車個時上錯左，上錯左ｄ班架車，成班人走上走落
都幾混亂，幾經辛苦終於上到車啦，好攰
上車，佢班人又係到打機
吹水吹得好勁，哈哈！我聽聽下歌．訓左，好快就到學校啦
搵肥蘇，佢要作文，等佢作完，去tendyland買d野，揀左好耐
之後買左，番朗屏m記等雪wing
等左佢幾耐呀，食埋野都未黎，不過，真係唔該哂你教我點摺，阻左你咁多時間，對唔住！
好攰，番屋企打機呀！睇電視
今日真係畢生難忘，呢世仔都會記得呀！

今日打學屆，我都冇諗過贏嫁啦
７點半起左身，玩左陣電腦
８點幾，換衫，食早餐
食完就出門口啦，好得熱
９點去到鳳琴街啦，好多人=="
睇賽程，我地１０點３先打，睇一程波啦
有幾間學校既丙組都幾勁呀
１０點３到我地打，對基朗，有尹浩然呀！
博錯左，尹浩然同我都打第２單，輸硬既，但我都想同佢打！
第一單劉劍豪打，輸左，對方唔係好強，俾我打就贏左啦！
第一雙，輸啦！走位錯哂=3="
到第２單啦，到我啦，我冇諗過會贏
當然，輸左啦，不過呢場我覺得自己打得唔錯嫁啦
不過佢真係好勁呀，仲好cool　tim
11點3打TSS，我打第一單，唉，打得好差好差好差
輸左俾一個我贏硬既對手，怪就怪自己一開始唔夠集中
開局輸到８比０，最後輸１５比１０=3="
出局了，不過仲有一場可以打，要有體育精神
打元中，我唔打單打咯，俾下D細既打
我打第一雙，打得最好都係呢場嫁啦
打完了，陳sir訓啦，話佢地４個唔練波，冇話我，哈哈
話我打得算係咁嫁啦，不過我就唔係好滿意啦
之後行去千色，見到雪wing，請左佢就雪糕
之後制去tendyland，睇d野，哈哈！
之後就番屋企打機啦

今日既英文都係好開心呀
英文歌好好聽
好對唔住呀，李艷珊！！！唔係有心的

睡夢中的型男．．．．廖瑞峰

今日唔記得左做左d咩啦
不過今日既英文堂係開學以來最開心嫁
放學去鳳琴練波，不在狀態
早走，要去食團年飯
又係去觀唐金龍船食，好食
食到１０點幾，走既時候我胃痛，食左粒胃藥
上車訓左啦，１１點幾番到屋企


魚翅＝　＝”

今朝８點起身，打左陣機
去睇男丙比賽，第一場打基朗，３比０羸
之後得左好耐，等到１１點３先打第２場
盧偉峰，打得好好呀！值得一讚．．．
睇完即走，坐西鐵去朗屏搵阿媽
遲左少少，哈哈！去到見到峰哥
過左冇幾耐，死期到啦！到我=="
janice：佢係聰明仔，但好懶，未盡全力
好記得呢句=3="成績表評語佢竟然寫英文，佢都低低地既，懶勁
佢勁煩=="唉，講講下，阿媽講竟然講俾佢聽我成日自己簽通告
大穫，janice話會交俾訓導，我覺得會記缺點
佢仲話我聰明反被聰明誤=="勁低b
除左話我成日訓，佢都冇咩講我壞話，好彩
見完，有ｄ驚，唉！唔理啦！！
阿媽話同我買衫，突然間咁好既，行左陣元朗廣場，冇睇中
見到我鐘意個對鞋，阿媽竟然話唔好睇=="算，去新東記食面
食完，阿媽話去喜利，本來諗住冇野行，行行下又見到有間ｄ衫褲幾令bor
試左幾件，買左１件衫１條褲，幾令，買左４００幾蚊
之後行啦，阿媽睇鞋，佢揀唔到=="
去左千色，買左件１８０蚊既褸，幾令
之後行上面，見到有２對鞋幾令，買左其中一對，$549
今日阿媽都幾闊佬，哈哈！
行完番家，打機，訓左１陣