琴日我阿媽佢地返左大陸，夜晚我同我阿哥就買左kfc食，今日就約左kaman,daisy同judy10點鐘係千色到等，

我今朝7點半起左身，之後就洗衫，等佢洗果時我就睇電視先，之後9點半多d就出門口，去到千色就已經見到judy啦，

不過果兩個壽星就遲到啦，之後等齊人我地就去neway啦，點左好多歌，不過唱到方力申果首大細心時，

kaman無端端較高個key，搞到成把女仔聲甘，跟住有d鏡頭係佢係到唱歌既，但係就聽到果d聲，超搞笑的，哈哈...

我地唱到12點半就走啦，之後就去左千色影貼紙相，我同judy就趁kaman同judy修飾d野果時去打左鋪籃球啦，

幾好玩既，不過太耐冇郁過，搞到手軟軟地，之後搞掂哂d野之後我地又玩左一鋪，kaman就玩果個要好大力既，

之後我地就去左嘉誠買雪糕食，我同judy買完之後就返返去千色搵gappy去睇哈利波特，佢地兩個就繼續行，

之後見到佢面青口脣白甘，之後佢就話要去711買野飲，因為gappy唔舒服，所以我地就搭輕鐵去啦，

去到果到有好多人排隊，又冇乜位喎，同埋佢去到之後又返返屋企，甘我地兩個又唔知睇唔睇好，

之後就決家左唔睇，不過我地留左係新元朗中心睇下果個活動，見到張敬軒同鄭融，哈哈，

我地上到百佳果層之後諗住叫judy拎部相機出黎影下相啦，點知部相機冇電喎，甘就算啦，之後過一陣我地都走啦，

佢上左我屋企，我地玩左好多心理測驗，5點度就走啦，今日好開心啊!!!!

PS︰kaman同daisy生日快樂~!!!

唉唉...而家日日都冇野做，遲d賣d書比kaman個妹，早2日係第2間鋪頭見到d銀包，平就平d，不過我又唔係甘鐘意，

都係等千色果間特價先買，卡卡卡........

成日諗生日果日做d咩好，但係都唔知做d咩好，點解想玩都甘難架???唉唉.........

琴日我去左千色睇下d銀包，見到個都幾靚既，不過差唔多300蚊，我唔捨得買，之後就走左啦，

我要等佢特價我先買，不過如果見到d又平我又鐘意既都可能會買既，卡卡卡.....

今日冇野做，係屋企煲碟，睇睇下果時，神婆就打過黎叫我4點度去打波，我諗住去架啦，仲換埋衫添，又熄左部dvd機喎，

之後見佢甘耐都未打返比我，我就打比佢睇下係唔係啦，點知原來已經cancel啦，不過佢冇call返我，

我又費事開返部機，之後就開始織返條頸巾啦，之後就同我阿媽去左惠康買野，買左d雪糕返去，哈..

又買左d章魚丸食，夜晚冇乜點食到飯，跟住又冇野做啦，就係度織頸巾啦，

不過好白痴啊，夏天織頸巾，哈哈......   而家冇野做，又冇電腦玩喎，織下都冇所謂啦，嘿.....

@@...自問自答..

琴日我地學校既四社戲劇匯演係元朗劇院到開，所以我地就係去之前行下街啦，佢7點半先開始，

我同神婆，晶晶，龜龜就約左4點係元朗廣場等啦，不過d時間都幾難過下，因為果度都冇咩地方行，仲要行2個鐘，

之後我地幾個就去左冒險樂園玩左20蚊，之後我地去左sasa睇，係果度見到有隻洗頭水10蚊1支，

唔知好唔好用又見佢平平地所以就買左返去啦，之後阿魚就黎到啦，我地等多一陣之後郭珊珊都黎埋啦，

甘我地就齊人啦，之後等佢地睇埋d野甘我地就去食飯啦，龜龜就話去食壽司果間，阿魚就話想去大家樂，

我地就無所謂，最後都係去左食壽司果間，食完飯之後都差唔多夠鐘啦，去完toilet就上去啦，

11點幾做完，我就覺得基社同學社果個麻麻地啦，朗社同中社就幾好睇，哈哈.....

中社攞左好多獎啊，我地朗社都唔錯，起碼都有2個，不過佢地都做得好好笑，所以都冇浪費我既$$同時間，嘻嘻....

今日十一點去左mcdonald食野，之後就返屋企繼續睇碟啦，岩岩睇完深情密碼啦，覺得呢套劇超級感人啊，

睇到我喊啊，     不過唔係淨係呢套既，次次睇到d好感人果d就會流眼淚啦，都唔知好唔好啊，

唔理lu，遲d就睇韓劇，哈哈，唔想打......